కళ్లు చెదిరే ఫిజిక్తో అందర్నీ ఆశ్చర్యపరుస్తున్నారు అఖిల్ అక్కినేని(Akhil Akkineni). కండలు తిరిగిన దేహంతో మునుపెన్నడూ చూడని విధంగా కొత్తగా కనిపిస్తున్నారు. ప్రస్తుతం దీనికి సంబంధించిన ఫొటో నెట్టింట్లో వైరల్గా మారింది.
సురేందర్ రెడ్డి దర్శకత్వంలో అఖిల్ 'ఏజెంట్' సినిమా చేస్తున్నారు. ఓ విభిన్నమైన యాక్షన్‌ థ్రిల్లర్‌ కథాంశంతో రూపొందనున్న చిత్రమిది. ఈ సినిమా కోసమే ఆయన జిమ్లో వర్కౌట్లు చేస్తూ బాగా కష్టబడుతున్నారు. దీనికి సంబంధించిన ఫొటోనే సురేందర్ రెడ్డి ట్వీట్ చేశారు.'ఇది ఆరంభం మాత్రమే. మున్ముందు ఉంది పండగ. 'ఏజెండ్' లోడింగ్ వైల్డ్ రైడ్కి మీరు సిద్ధంగా ఉన్నారా?' అంటూ వ్యాఖ్య రాసుకొచ్చారు. జిమ్లో కండల్ని మెలి తిప్పి వెనుక నుంచి కనిపించారు అఖిల్. ఈ లుక్ అభిమానుల్ని విపరీతంగా అలరిస్తోంది. సినిమాపై అంచనాలు కూడా భారీగా పెరిగాయి. ఈ చిత్రాన్ని ఏకె ఎంటర్‌టైన్‌మెంట్స్‌ పతాకంపై అనిల్‌ సుంకర నిర్మిస్తున్నారు. సాక్షి వైద్య(Sakshi Vaidya) కథానాయిక.