దర్శకధీరుడు రాజమౌళి ప్రతిష్ఠాత్మకంగా రూపొందిస్తున్న చిత్రం 'ఆర్ఆర్ఆర్'(రణం రౌద్రం రుధిరం). ఇందులో అల్లూరి సీతారామరాజుగా రామ్చరణ్, కొమురం భీమ్గా ఎన్టీఆర్ కనువిందు చేయనున్నారు. ఈ చిత్రం ద్వారా బాలీవుడ్ నటి అలియా భట్ టాలీవుడ్కు పరిచయమవుతోంది. చెర్రీ సరసన హీరోయిన్గా ఆమె నటిస్తోంది. ఈ సినిమా తర్వాత రామ్చరణ్ హీరోగా తెరకెక్కనున్న మరో చిత్రంలోనూ అలియా భట్ ఎంపికైందని ప్రచారం జరుగుతోంది.
మెగా పవర్స్టార్ రామ్చరణ్ - తమిళ దర్శకుడు శంకర్ కాంబోలో ఓ సినిమా రూపొందనుంది. అయితే ఇందులోనూ హీరోయిన్గా అలియాను ఎంపికచేసినట్లు తెలుస్తోంది. అదే విధంగా శంకర్-రణ్వీర్ కాంబోలో తెరకెక్కుతోన్న 'అన్నియన్' రీమేక్ కోసం అలియాను సంప్రదించినట్లు సమాచారం.