చారిత్రక కథతో తెరకెక్కనున్న 'సుహేల్దేవ్' నుంచి బాలీవుడ్ హీరో అక్షయ్కుమార్ తప్పుకున్నట్లు తెలుస్తోంది. తన డేట్స్ ఖాళీగా లేకపోవడం సహా సృజనాత్మక విభేదాల కారణంగానే ఈ చిత్రాన్ని వదులుకున్నట్లు సమాచారం. అంతకు ముందు ఈ సినిమాలో నటించాల్సిన అజయ్ దేవగణ్ కూడా పలు కారణాలతో ప్రాజెక్టు నుంచి బయటకొచ్చేశారు.
ప్రముఖ రచయిత అమిశ్ త్రిపాఠి రాసిన 'లెజెండ్ ఆఫ్ సుహేల్దేవ్' పుస్తకం ఆధారంగా ఈ సినిమా తీస్తున్నారు దర్శకుడు అశ్విన్. ఇటీవలే దిల్లీ వెళ్లి అక్కీ కథ వినిపించగా, స్క్రిప్ట్లో ఆయన పలు మార్పులు చేయమన్నారట. భారీ స్థాయిలో కాల్షీట్లు ఇవ్వడం సహా రానున్న రెండేళ్లు పలు ప్రాజెక్టులతో తాను బిజీగా ఉన్న కారణంగా అక్కీ ఈ సినిమాను వదులుకున్నట్లు తెలుస్తోంది.