నిజానికి ఒకటే.. అబద్దానికి ఎన్నో ముఖాలు

అడివి శేష్ హీరోగా నటిస్తున్న 'ఎవరు' ఫస్ట్​లుక్ ఆకట్టుకుంటోంది. రెజీనా హీరోయిన్. ఆగస్టులో సినిమా విడుదల కానుంది.

టాలీవుడ్ యువనటుడు అడివిశేష్ కథానాయకుడిగా నటించిన చిత్రం 'ఎవరు'. ఫస్ట్​లుక్​ను అభిమానులతో పంచుకున్నాడీ హీరో. ఇది విభిన్నంగా ఉంటూ సినిమాపై ఆసక్తి రేకెత్తిస్తోంది. నల్ల కళ్లద్దాలు పెట్టుకుని శేష్ కనిపిస్తుండగా, తన ఎడమ కంటి భాగం దగ్గర ఉన్న అద్దంలో రెజీనా ముఖం కనిపించింది. ఇందులో అవినీతి పోలీస్ అధికారి విక్రమ్ వాసుదేవ్​గా కనిపించనున్నాడీ కథానాయకుడు.

"నిజానికి ముఖం ఒకటే ఉంటుంది. అబద్దానికి ఎన్నో ఉంటాయి. సమాధానాలకు ప్రశ్నలు ఈ ఆగస్టులో దొరుకుతాయి" -ట్విట్టర్​లో అడివి శేష్

ట్విట్టర్​లో అడివి శేష్ పోస్ట్

రెజీనా హీరోయిన్​గా నటించింది. నవీన్ చంద్ర ప్రత్యేక పాత్రలో కనిపించనున్నాడు. వెంకట్ రాంజీ దర్శకత్వం వహించాడు. ప్రసాద్‌ వి పొట్లూరి, పరమ్‌ వి పొట్లూరి, కెవిన్‌ అన్నే సంయుక్తంగా నిర్మించారు. ఆగస్టులో ఆ 'ఎవరు' ఎవరన్నది తెలియనుంది.

ఇది చదవండి: మంచి పనికోసం ముందుకొచ్చిన తారలు