ఇప్పట్లో తనకు పెళ్లి చేసుకునే ఆలోచన లేదన్నాడు బాలీవుడ్‌ హీరో ఆదిత్య రాయ్ కపూర్. 'ఆషికీ-2', 'ఓకే జాను' వంటి ప్రేమకథా చిత్రాల్లో నటించి, మంచి గుర్తింపు తెచ్చుకున్నాడు. ఈ ఏడాదిలో ఆదిత్య.. తన స్నేహితురాలు, సూపర్‌ మోడల్ దివా ధావన్‌ను పెళ్లి చేసుకోనున్నాడంటూ కొన్ని రోజుల క్రితం వార్తలు వచ్చాయి. ఇటీవలే ఈ కథానాయకుడు ఓ ఆంగ్ల పత్రికకు చెందిన విలేకర్లతో సరదాగా ముచ్చటించాడు. ఇందులో భాగంగా తన పెళ్లి గురించి స్పందించాడు.
"దివా ధావన్‌, నేను మంచి స్నేహితులం. మా ఇద్దరిది ఎన్నో సంవత్సరాల స్నేహం. ఒకసారి కలిసి డిన్నర్‌కు వెళ్లి రావడం వల్ల చాలా మంది మేం ప్రేమలో ఉన్నామని మాట్లాడుకున్నారు. అలాగే ఈ ఏడాదిలో పెళ్లి చేసుకోబోతున్నామని అనుకున్నారు. ఇప్పుడే పెళ్లి చేసుకోవాలనే ఉద్దేశం లేదు. చాలా సమయం ఉంది" -ఆదిత్య రాయ్ కపూర్, హీరో