అదా శర్మ కొత్త సినిమా టైటిల్ '?'

ముద్దుగుమ్మ అదాశర్మ కొత్త చిత్రానికి సంబంధించిన టైటిల్ పోస్టర్​ను విడుదల చేసింది చిత్రబృందం. '?' (క్వశ్చన్ మార్క్) టైటిల్​తో తెరకెక్కుతోన్న ఈ సినిమా ఆసక్తిని రేకెత్తిస్తోంది.

'హార్ట్ ఎటాక్' చిత్రంతో కుర్రకారు గుండెల్ని ఎటాక్ చేసింది అదా శర్మ. కానీ ఆ తర్వాత హీరోయిన్​గా అవకాశాలు దక్కించుకోవడంలో విఫలమైంది. అయితే కొంత విరామం తర్వాత మళ్లీ టాలీవుడ్​లో ఓ సినిమా చేస్తోంది. తాజాగా ఈ చిత్ర టైటిల్​ పోస్టర్​ను విడుదల చేసింది చిత్రబృందం.

ఈ చిత్రానికి '?' (క్వశ్చన్ మార్క్) అనే వినూత్న టైటిల్ ఖరారు చేశారు. పోస్టర్ చూస్తుంటే ఈ చిత్రాన్ని లేడీ ఓరియెంటెడ్ థ్రిల్లర్​గా తెరకెక్కిస్తున్నట్లు తెలుస్తోంది. ఈ సినిమాకు విప్ర దర్శకత్వం వహిస్తుండగా.. రఘు కుంచె సంగీతం అందిస్తున్నాడు.