యంగ్టైగర్ ఎన్టీఆర్‌-త్రివిక్రమ్ల కాంబినేషన్లో త్వరలోనే ఓ చిత్రం పట్టాలెక్కనుంది. ఇప్పటికే సినిమాకు సంబంధించిన స్క్రిప్టును పూర్తి చేసే పనిలో ఉన్నారట. అయితే ఇందులో కథానాయికగా ఎవరిని తీసుకుంటారనే విషయంపై చర్చలు జరుగుతున్నాయి. ఇందులో ఎన్టీఆర్‌ ఇద్దరు భామలతో చిందేసే అవకాశముందని ప్రచారం జరుగుతోంది.
తారక్తో మరోసారి నటించనున్న శ్రుతిహాసన్!
కమల్‌ హాసన్‌ కూతురిగా సినీరంగ ప్రవేశం చేసినా.. నటనలో తనకంటూ ఓ ప్రత్యేక స్థానాన్ని సంపాదించుకుంది శ్రుతిహాసన్. కొన్నేళ్లుగా సినీ పరిశ్రమకు దూరంగా ఉంటున్న శ్రుతి.. తారక్-త్రివిక్రమ్ కాంబోలో తెరకెక్కబోయే చిత్రంలో హీరోయిన్గా నటించబోతుందని సమాచారం.
తారక్తో మరోసారి నటించనున్న శ్రుతిహాసన్!
ఈ చిత్రంలో ఓ కథానాయికగా శ్రుతిహాసన్‌ని తీసుకోనున్నారనే వార్తలొస్తున్నాయి. ఇప్పటికే పూజాహెగ్డే బాలీవుడ్‌ నటి జాన్వీ కపూర్‌ పేర్లూ వినిపించాయి. ఇక శ్రుతిహాసన్ విషయానికొస్తే గతంలో 'రామయ్య వస్తావయ్యా'లో తారక్తో కలిసి నటించగా.. పూజాహెగ్డే..'అరవింద సమేత వీర రాఘవ'తో మెప్పించింది. దీనిపై పూర్తి వివరాలు తెలియాలంటే మరికొన్ని రోజులు ఆగాల్సిందే. శ్రుతిహాసన్ ప్రస్తుతం రవితేజ హీరోగా గోపిచంద్ మలినేని దర్శకత్వంలో రూపొందుతున్న 'క్రాక్' చిత్రంలో హీరోయిన్గా నటిస్తోంది.
ఇదీ చూడండి.. పీపీఈ కిట్స్‌ విరాళమిచ్చిన విద్యాబాలన్