'ఛలో' సినిమాతో తెలుగు ప్రేక్షకులను హాయ్ అని పలకరిచిన రష్మిక మందణ్న... ఆ తర్వాత గీత గోవిందం, దేవదాస్, డియర్ కామ్రేడ్లో తన నటనతో ఎంతో మంది అభిమానులను సంపాందించుకుంది. ఇటీవల సినిమా రంగంలో మూడేళ్లు పూర్తిచేసుకుందీ కన్నడ భామ. ఇప్పటివరకు మొత్తం 9 సినిమాలు చేసింది. తర్వలో మహేశ్ సరసన 'సరిలేరు నీకెవ్వరు' ద్వారా సంక్రాంతికి ప్రేక్షకుల ముందుకు రానుంది. తాజాగా ఖాళీ సమయం దొరకడం వల్ల నెటిజన్లతో ట్విట్టర్ వేదికగా ముచ్చటించింది.
తమిళంలో తొలి సినిమా...
ప్రముఖ నటుడు కార్తీకి జోడీగా ఓ సినిమాలో నటిస్తోంది రష్మిక. 'రెమో' ఫేమ్‌ భాగ్యరాజ్‌ కన్నన్‌ దర్శకత్వంలో ఈ సినిమా రూపొందుతోంది. ఈ చిత్రానికి ఇంకా పేరు ఖరారు చేయలేదు. డ్రీమ్‌ వారియర్‌ ఫిక్చర్స్‌ బ్యానర్పై ఎస్‌.ఆర్‌.ప్రభు ఈ చిత్రాన్ని నిర్మిస్తున్నాడు. ఈ ఏడాదే సినిమా విడుదల కానున్నట్లు తెలిపింది రష్మిక.