రాజకీయాల్లోకి హీరోయిన్ పాయల్.. ఆ పార్టీలో చేరిక

'రిపబ్లికన్ పార్టీ ఆఫ్ ఇండియా'లో చేరిన హీరోయిన్ పాయల్ ఘోష్.. అనురాగ్ కేసు విషయంలో మద్ధతుగా ఉన్న రామ్​దాస్ అథవాలేకు ధన్యవాదాలు తెలిపింది.

బాలీవుడ్ దర్శకనిర్మాత అనురాగ్ కశ్యప్​పై అత్యాచార ఆరోపణలు చేసిన నటి పాయల్ ఘోష్.. రాజకీయాల్లోకి ఎంట్రీ ఇచ్చింది. కేంద్రమంత్రి రామ్​దాస్ అథవాలే చీఫ్​గా ఉన్న రిపబ్లికన్ పార్టీ ఆఫ్ ఇండియాలో సోమవారం చేరింది.

ఘోష్ రాకతో పార్టీ బలం పుంజుకుందని ఈ సందర్భంగా రామ్​దాస్ చెప్పారు. త్వరలోనే అనురాగ్ అరెస్టు అవుతారని అన్నారు. ఈ క్రమంలోనే పాయల్​ను పార్టీ మహిళా విభాగానికి ఉపాధ్యక్షురాలిగా నియమించారు.

రామ్​దాస్ అథవాలేతో హీరోయిన్ పాయల్ ఘోష్

దేశ సేవ చేయాలనే ఉద్దేశంతోనే రాజకీయాల్లోకి వచ్చినట్లు పాయల్ చెప్పింది. అనురాగ్ కేసు విషయంలో తనకు మద్ధతుగా నిలిచిన అథవాలేకు ధన్యవాదాలు తెలియజేసింది.