అవయవదానం చేసిన నటి జెనీలియా దంపతులు

జులై 1న డాక్టర్స్ డే సందర్భంగా అనూహ్య నిర్ణయం తీసుకున్నారు జెనీలియా దంపతులు. తమ అవయవాల్ని దానం చేస్తున్నట్లు వెల్లడించారు. ప్రజలందరూ ఈ కార్యక్రమంలో పాలుపంచుకోవాలని సూచించారు.

టాలీవుడ్​లో 'రెడీ', 'ఢీ', 'బొమ్మరిల్లు' తదితర సినిమాలతో గుర్తింపు తెచ్చుకున్న నటి జెనీలియా.. ఇటీవలే 'అంతర్జాతీయ వైద్యుల దినోత్సవం' సందర్భంగా అద్భుతమైన నిర్ణయం తీసుకుంది. తన భర్తతో పాటు అవయవాలను దానం చేస్తున్నట్లు చెప్పింది. ఇందుకు సంబంధించిన వీడియోను ఇన్​స్టాలో పంచుకుంది. తమకు ఈ విషయంలో స్ఫూర్తి కలిగించిన డాక్టర్​ నోజెర్​కు ధన్యవాదాలు తెలిపింది.

అయితే ఈ పోస్ట్ పెట్టిన తర్వాత నెటిజన్ల నుంచి విశేష స్పందన లభించింది. వీరితోపాటే పలువురు సెలబ్రిటీలు ఈ జంటను మెచ్చుకున్నారు. ప్రస్తుతం ఇద్దరు కుమారులతో లాక్​డౌన్​ సమయాన్ని ఆస్వాదిస్తున్న జెనీలియా.. వెండితెరపైకి త్వరలో రీఎంట్రీ ఇవ్వాలని భావిస్తోంది.

ఇవీ చదవండి: