సీనియర్ నటి గీతాంజలి.. తెలుగు చిత్రసీమలో తనదైన ముద్రవేశారు. అలనాటి అగ్రహీరో ఎన్టీఆర్ పక్కన సీత పాత్ర పోషించే అవకాశం దక్కించుకున్నారు. పెళ్లయిన తర్వాత సినిమాలకు దూరమయ్యారు. ఆ తర్వాతఅడపాదడపా సహాయ పాత్రల్లో కనిపించారు. బుధవారం రాత్రి హైదరాబాద్లో గుండెపోటుతో మరణించారు. అంతకు ముందు జరిగిన ఓ ఇంటర్వ్యూలో తన సినీ ప్రయాణం, జీవితానికి సంబంధించిన పలు ఆసక్తికర విషయాలు చెప్పారు.
అసలు పేరు 'గీతాంజలి' కాదు
గీతాంజలి అసలు పేరు మణి. 1963లో 'పారస్‌మణి' అనే హిందీ సినిమాలో నటిస్తుండగా ఆ చిత్ర నిర్మాతలు లక్ష్మీకాంత్-ప్యారేలాల్.. టైటిల్లో మణి ఉంది కాబట్టి ఈమెకు గీతాంజలి అని పేరు సూచించారు.
అలా ఎన్టీఆర్ పక్కన సీతగా..
"నన్ను ఇప్పటికీ చాలామంది ఎన్టీఆర్ సీత అనే పిలుస్తారు. ఆ గొప్పదనమంతా పెద్దాయనదే. హీరోయిన్‌గా తొలి సినిమా అది. నా మొదటి చిత్రం 'రాణీ రత్నప్రభ'లోని ఓ డ్యాన్స్‌ బిట్‌లో చూసిన రామారావుగారు.. 'అమ్మాయి బాగుంది. సీత పాత్రకు నప్పుతుంది' అని దర్శకుడు సుబ్బారావుకు చెప్పారు. అలా 'సీతారామ కల్యాణం'లో హీరోయిన్‌ అయిపోయా" -గీతాంజలి, సీనియర్ నటి