మూడేళ్లప్పుడే 'దంగల్' నటికి లైంగిక వేధింపులు

క్యాస్టింగ్ కౌచ్​ వల్ల తాను ఎన్నో అవకాశాలు కోల్పోయానని చెప్పిన నటి ఫాతిమా సనా షేక్.. మూడేళ్ల వయసులోనే తనను లైంగికంగా వేధించారని తెలిపింది.

'దంగల్' సినిమాలో గీతా ఫొగాట్​గా నటించిన ఫాతిమా సనా షేక్.. భయంకరమైన నిజాన్ని వెల్లడించింది. మూడేళ్ల వయసున్నప్పుడే తనను లైంగికంగా వేధించారని చెప్పింది. ఇటీవలే జరిగిన ఓ ఇంటర్వ్యూలో దీనితో పాటు పలు విషయాల్ని పంచుకుంది.

'మూడేళ్ల వయసులో నన్ను లైంగికంగా వేధించారు. ఇలాంటి సమస్యల పట్ల సరైన అవగాహన లేకపోవడం వల్ల చాలామంది మహిళలు బయటకు చెప్పుకోలేకపోతున్నారు. ప్రస్తుతం ప్రపంచం మారుతోంది. చదువుకోవడం వల్ల ఈ విషయాల గురించి తెలుస్తోంది. దీంతో బయటకు చెప్పుకోగలుగుతున్నారు. సినీ కెరీర్​లో క్యాస్టింగ్ కౌచ్​ను నేను ఎదుర్కొన్నాను. అవకాశాల కోసం వెళ్లినప్పుడు వారు అడిగింది ఇవ్వనందుకు వెనక్కు పంపించేసిన సందర్భాలు అనేకం' ఉన్నాయని ఫాతిమా చెప్పింది.

ప్రస్తుతం ఈమె 'లూడో', 'సూరజ్ పే మంగళ్ భారీ' సినిమాల్లో నటిస్తోంది. ఇవి రెండూ త్వరలో ప్రేక్షకుల ముందుకు రానున్నాయి.