Yami gautham: స్టార్ దర్శకుడితో హీరోయిన్ యామీ పెళ్లి

తెలుగు, హిందీ భాషల్లో సినిమాలు చేసి గుర్తింపు తెచ్చుకున్న యామీ గౌతమ్.. వివాహ బంధంలోకి అడుగుపెట్టింది. దర్శకుడు ఆదిత్య ధర్​తో శుక్రవారం ఏడడుగులు వేసింది.

హీరోయిన్ యామీ గౌతమ్.. బాలీవుడ్​ యువ దర్శకుడు ఆదిత్య ధర్​ను పెళ్లాడింది. ఇరుకుటుంబాలు మాత్రమే హాజరైన ఈ వేడుక శుక్రవారం జరిగింది. ఈ విషయాన్ని ఆమెనే స్వయంగా వెల్లడించి, వివాహానికి సంబంధించిన ఫొటో ఇన్​స్టాలో పోస్ట్ చేసింది.

యామీ, ఆదిత్య.. 2019లో వచ్చిన 'ఉరి' సినిమా కోసం కలిసి పనిచేశారు. ఆ సమయంలోనే స్నేహం చిగురించి, అది కాస్త ప్రేమగా మారి, పెళ్లి వరకు వచ్చినట్లు తెలుస్తోంది. తెలుగులో కూడా యామీ గౌతమ్ పలు సినిమాల్లో నటించి, గుర్తింపు తెచ్చుకుంది. ప్రస్తుత అభిషేక్ బచ్చన్​తో కలిసి 'దస్వీ' చేస్తోంది.

ఇది చదవండి:Pranitha Marriage :పెళ్లి పీటలెక్కిన ప్రణీత