ప్రముఖ హాలీవుడ్ నటుడు హత్య!

హాలీవుడ్ నటుడు థామస్​ జెఫర్సన్​ను గుర్తు తెలియని వ్యక్తులు తుపాకీతో కాల్చి చంపేశారు. ప్రస్తుతం అట్లాంటా పోలీసులు ఘటనపై కేసు నమోదు చేసి.. దర్యాప్తు ప్రారంభించారు.

అట్లాంటాలో హాలీవుడ్​ ప్రముఖ నటుడు థామస్​ జెఫర్సన్​ బైర్డ్​ను గుర్తు తెలియని వ్యక్తులు హత్య చేశారు. శనివారం తెల్లవారుజామున 1.45 గంటలకు బల్వెడెరే అవెన్యూలో ఓ గుర్తు తెలియని వ్యక్తి గాయాలతో పడి ఉన్నట్లు సమాచారం అందుకున్న పోలీసులు.. ఘటనా స్థలానికి చేరుకున్నారు. అక్కడ ఉన్నది బైర్డ్​ అని గుర్తించి పరిశీలించగా.. తుపాకీతో కాల్చి చంపినట్లు వెల్లడించారు. కేసు నమోదు చేసి దర్యాప్తు ప్రారంభించినట్లు అట్లాంటా పోలీసులు తెలిపారు.

ప్రముఖ హాలీవుడ్​ దర్శకుడు స్పైక్​ లీ తెరకెక్కించిన అనేక చిత్రాల్లో థామస్​ నటించారు. 'క్లాకర్స్'​, 'బాంబోజ్లెడ్'​, 'రే', 'బ్లూక్రిన్స్​ ఫైనెస్ట్​' తదితర సినిమాల్లో అద్భుత నటన కనబరిచారు.