నటుడు సోనూసూద్​కు కరోనా పాజిటివ్​

13:53 April 17

నటుడు సోనూసూద్​కు కరోనా పాజిటివ్​

బాలీవుడ్​ నటుడు సోనూసూద్​కు కరోనా నిర్ధరణ అయ్యింది. ఈ విషయాన్ని అతడే స్వయంగా ట్విట్టర్​ వేదికగా వెల్లడించాడు. ఈ రోజు చేసిన కొవిడ్ పరీక్షల్లో సోనూసూద్​కు పాజిటివ్​గా తేలింది.

"అందరికీ నమస్కారం, ఈ రోజు చేసిన కరోనా పరీక్షల్లో నాకు కొవిడ్ నిర్ధరణ అయ్యింది. ఇప్పటికే మహమ్మారికి సంబంధించి పూర్తి జాగ్రత్తలు తీసుకుంటున్నాను. క్వారంటైన్​లో ఉంటున్నాను. మీరు బాధపడకండి. మీ సమస్యలను పరిష్కరించడానికి ఈ సమయాన్ని ఉపయోగించుకుంటాను. గుర్తుంచుకోండి ఎల్లప్పుడూ మీ అందరి కోసం పనిచేసే సోనూసూద్​" అని అతడు ట్విట్టర్​లో పేర్కొన్నాడు.