లాక్‌డౌన్‌ ఎత్తివేసిన తరువాత సినిమా షూటింగ్‌లు షురూ అయ్యాయి. అదే సమయంలో కరోనా వైరస్ వ్యాప్తి కూడా ఎక్కువైంది. తాజాగా తమిళ నటుడు శరత్ కుమార్‌కి కరోనా పాజిటివ్గా తేలింది. ఈ విషయాన్ని ఆయన భార్య, సినీ నటి రాధికా శరత్ కుమార్ తన ట్విట్టర్ ఖాతాలో తెలిపింది.
"ప్రస్తుతం హైదరాబాద్‌లో ఉన్న శరత్‌కి కరోనా సోకింది. కోవిడ్‌-19 పరీక్ష చేయించుకోగా పాజిటివ్గా నిర్ధరణ అయ్యింది. ఆయనకు ఎలాంటి లక్షణాలు లేవు. నిపుణులైన డాక్టర్ల పర్యవేక్షణలో ఆయన చికిత్స తీసుకుంటున్నారు. శరత్ ఆరోగ్యానికి సంబంధించిన అన్ని వివరాలను ఎప్పటికప్పుడు తెలియజేస్తాను."