'మ్యాన్‌ వర్సెస్‌ వైల్డ్​' చిత్రీకరణలో రజనీకి గాయాలు!

21:20 January 28

'మ్యాన్‌ వర్సెస్‌ వైల్డ్​' చిత్రీకరణలో రజనీకి గాయాలు!

ప్రముఖ సినీనటుడు రజనీకాంత్‌కు స్వల్ప గాయాలయ్యాయి. డిస్కవరీ ఛానెల్లో ప్రసారమయ్యే 'మ్యాన్‌ వర్సెస్‌ వైల్డ్' టీవీ షో కోసం రజనీ, బ్రిటన్‌ సాహసవీరుడు బేర్‌గ్రిల్స్‌తో  బందీపూర్‌ అటవీ ప్రాంతంలో చిత్రీకరణ జరుపుతున్నారు. ఈ క్రమంలో తలైవాకు చిన్నపాటి గాయాలైనట్లు అటవీశాఖ అధికారులు తెలిపారు. ప్రస్తుతం ఆయన సురక్షితంగా ఉన్నారని.. ఇంటికి చేరుకున్నారని రజనీ సన్నిహిత వర్గాలు తెలిపాయి. ఈ నేపథ్యంలో రేపటి షూటింగ్‌కు అనుమతి నిరాకరించినట్లు అటవీ అధికారులు వెల్లడించారు.

గతేడాది 'మ్యాన్‌ వర్సెస్‌ వైల్డ్‌' టీవీ షోలో ప్రధాని నరేంద్రమోదీ పాల్గొన్నారు. ఉత్తరాఖండ్‌లోని జిమ్‌ కార్బెట్‌ అటవీ ప్రాంతంలో బేర్‌ గ్రిల్స్‌తో కలిసి మోదీ కలియతిరిగారు. మోదీతో చేసిన ఈ షో అత్యంత ప్రేక్షకాదరణ పొందింది. ఆగస్టు 12న ప్రపంచవ్యాప్తంగా 180కి పైగా దేశాల్లో డిస్కవరీ నెట్‌వర్క్‌పై ఈ మ్యాన్‌ వర్సెస్‌ వైల్డ్‌ కార్యక్రమం ప్రసారమైంది. రజనీకాంత్‌తో చిత్రీకరించిన కార్యక్రమం ఎప్పుడు ప్రసారమవుతుందనే వివరాలు ఇంకా వెల్లడించలేదు.