రాజశేఖర్​కు ప్లాస్మాథెరపీ.. నిలకడగా ఆరోగ్యం

సినీ నటుడు రాజశేఖర్ ఆరోగ్య పరిస్థితి మెరుగ్గా ఉందని సిటీ న్యూరో సెంటర్ ఆస్పత్రి వెల్లడించింది. ఆయనకు వెంటిలేటర్ చికిత్స ఆపేశామని.. ప్లాస్మా థెరపీ అందించామని తెలిపింది.

కరోనా బారినపడి అనారోగ్యానికి గురైన సినీనటుడు రాజశేఖర్ ఆరోగ్యం నిలకడగా ఉన్నట్లు సిటీ న్యూరో సెంటర్ ఆస్పత్రి వెల్లడించింది. క్లిష్ట పరిస్థితుల నుంచి ఆయన బయటపడ్డారని పేర్కొంది. ఐసీయూలో ఉంచి చికిత్స అందిస్తున్నట్లు తెలిపింది. ఈ మేరకు రాజశేఖర్ ఆరోగ్య పరిస్థితిపై హెల్త్ బులిటెన్ విడుదల చేశారు.

రాజశేఖర్ హెల్త్ అప్​డేట్

"ప్రస్తుతం రాజశేఖర్ ఆరోగ్య పరిస్థితి మెరుగ్గా ఉంది. ఆయనకు వెంటిలేటర్ చికిత్స నిలిపివేశాం. ప్లాస్మా థెరపీ అందించాం. ట్రీట్​మెంట్​కు స్పందిస్తున్నారు. ఆయన పరిస్థితిని ఎప్పటికప్పుడు పరిశీలిస్తున్నాం."​

-ఆస్పత్రి వర్గాలు

రాజశేఖర్ సతీమణి జీవిత కూడా కరోనాతో ఇదే ఆస్పత్రిలో చేరారు. చికిత్స అనంతరం మరోసారి పరీక్షించగా నెగిటివ్ రిపోర్ట్ రావడం వల్ల శనివారం ఆమెను డిశ్చార్జ్ చేశారు.