బాలీవుడ్ యువహీరో టైగర్ ష్రాఫ్‌ ప్రస్తుతం నటిస్తున్న చిత్రం 'బాఘీ 3'. రితేష్‌ దేశ్‌ముఖ్‌ కీలక పాత్రధారి. శ్రద్ధాకపూర్‌ హీరోయిన్. అహ్మద్‌ఖాన్‌ దర్శకత్వం వహిస్తున్న ఈ చిత్రంలో టైగర్, రితేష్‌లకు తండ్రి పాత్రలో జాకీష్రాఫ్‌ నటిస్తున్నట్లు చిత్రబృందం ప్రకటించింది. ఇందులో జాకీ.. ఓ పోలీస్‌ అధికారి పాత్రలో కనిపించనున్నారు. ఇప్పటికే ఈ సినిమా చిత్రీకరణలో జాకీష్రాఫ్‌ పాల్గొన్నారట. తండ్రీకొడుకులపై కొన్ని కీలక సన్నివేశాలు కూడా చిత్రీకరించారు.
"జాకీ, టైగర్‌లు కలిసి నటిస్తే చూడాలని చాలామంది అనుకుంటున్నారు. ఆరేళ్లుగా పలువురు దర్శకులు ఈ ఇద్దరిని కలిపి తెరపై చూపించాలని ప్రయత్నించారు. కానీ అది మా చిత్రంతో నెరవేరుతుంది. కథలో ఓ కీలకమైన పాత్రకు జాకీ అయితేనే బాగుంటారు. కచ్చితంగా ఈ తండ్రీకొడుకులు తెరపై అలరిస్తారు."
- సాజిద్‌ నడియాడ్‌ వాలా, చిత్ర నిర్మాత