కరోనాతో దాదాపు మూడు నెలలపాటు నిలిచిపోయిన చిత్రీకరణలు, ప్రభుత్వాలు ఇచ్చిన సడలింపుల్లో భాగంగా పునఃప్రారంభమయ్యాయి. ఈ నేపథ్యంలో మహమ్మారి కారణంగా నిలిచిపోయిన చిరంజీవి 'ఆచార్య' సినిమా షూటింగ్ మళ్లీ ఆగస్టులో మొదలవనున్నట్లు టాక్. ఈ చిత్రానికి కొరటాల శివ దర్శకత్వం వహిస్తున్నారు.
ఈ చిత్రంలో చిరు దేవదాయ-ధర్మాదాయ శాఖలో ఓ ప్రభుత్వ ఉద్యోగి పాత్రలో నటిస్తున్నారు. ఈ సినిమాపై ప్రేక్షకుల్లో భారీ అంచనాలు ఏర్పడ్డాయి. సినిమా కోసం ఏకంగా ఓ పురాతన ఆలయం సెట్‌ని నిర్మించే ఆలోచనలో ఉన్నారని సమాచారం. ఎందుకంటే గతంలో లాగా ఏదో గుడిలో షూటింగ్ చేయడానికి ఇప్పుడున్న పరిస్థితులు అనుకూలంగా లేకపోవడం వల్ల గుడి సెట్‌ వేయడానికి చిత్రబృందం నిర్ణయించిందని తెలుస్తోంది.