మెగాస్టార్ చిరంజీవి 'ఆచార్య'కు అవరోధాలు తప్పట్లేదు. షూటింగ్ మొదలైనప్పటి నుంచి ఏదో ఓ సమస్యతో ఆటంకం ఏర్పడుతూనే ఉంది. దీంతో ఎంతో ఉత్కంఠగా ఎదురుచూస్తున్న చిరు అభిమానులకు నిరాశే ఎదురవుతోంది.
ఇప్పటికే కరోనా వల్ల వాయిదా పడ్డ చిత్రీకరణ.. సెప్టెంబరులో తిరిగి ప్రారంభించాలని చిత్రబృందం భావించింది. కానీ హైదరాబాద్లో రోజురోజుకు వైరస్ కేసుల ఉద్ధృతి పెరుగుతోంది. దీంతో ప్రజల ఆరోగ్యానికే తొలి ప్రాధాన్యమిచ్చిన దర్శకుడు కొరటాల శివ.. షూటింగ్ను వాయిదా వేయాలని భావిస్తున్నారట. పరిస్థితి కుదుటపడిన తర్వాత నవంబరులో మొదలుపెట్టాలని అనుకుంటున్నారు.