బాలీవుడ్ ప్రముఖ నటుడు అభిషేక్ బచ్చన్.. ఆశ్చర్యకర నిర్ణయం తీసుకున్నాడు. ఇకపై రొమాంటిక్ సన్నివేశాలు , ఇలాంటి కథలతో తెరకెక్కే సినిమాలు చేయనని స్పష్టం చేశాడు. తమ కుమార్తె ఆరాధ్యకు నచ్చే తండ్రిలా ఉండాలని కోరుకుంటున్నట్లు చెప్పాడు. తను చూసేందుకు అసౌకర్యంగా అనిపించకూడదనే ఉద్దేశంతోనే ఇలా అనుకున్నానని చెప్పుకొచ్చాడు.
"తండ్రిగా మారిన తర్వాత సినిమాలు ఒప్పుకునేప్పుడు ఎలాంటి మార్పులు కోరుకుంటున్నారు" అని ఓ నెటిజన్ అడగ్గా.. "ఓ విషయం అయితే మారింది. కొన్ని రకాల సినిమాలు, సన్నివేశాలతో నా కూతురును అసౌకర్యానికి గురిచేయాలనుకోవట్లేదు. ఎందుకంటే భవిష్యత్లో నా సినిమాలు చూసి అక్కడ ఏం జరుగుతుందని తను, నన్ను ప్రశ్నించేలా చేయాలనుకోవడం లేదు" అని సమాధానమిచ్చాడు అభిషేక్. ఇకపై రొమాంటిక్ సన్నివేశాలకు చాలా దూరంగా ఉంటానని.. సినిమాలో అలాంటి సీన్స్ లేవని చెప్పినప్పుడే ప్రాజెక్టును అంగీకరిస్తానని స్పష్టం చేశాడు.