బాలీవుడ్ హీరో ఆమిర్ ఖాన్ సహాయక సిబ్బందిలో కొంతమందికి కరోనా పాజిటివ్గా నిర్ధరణ అయ్యింది. వెంటనే వారిని క్వారంటైన్లో ఉంచినట్లు ఆమిర్ సోషల్ మీడియా వేదికగా తెలిపారు. తనతో పాటు, మిగిలిన సిబ్బందికి పరీక్షలు నిర్వహించగా నెగిటివ్గా తేలిందని స్పష్టం చేశారు.
"అందరికీ నమస్కారం. నా సిబ్బందిలో కొంతమందికి కరోనా పాజిటివ్గా తేలింది. వెంటనే వారిని క్వారంటైన్లో ఉంచారు. ఇలాంటి పరిస్థితుల్లో బీఎంసీ అధికారులు వెంటనే స్పందించి వైద్య సదుపాయాలు కల్పించారు. బాధితుల్ని జాగ్రత్తగా చూసుకుంటూ మొత్తం సమాజాన్ని కాపాడుతున్న వీరికి నా కృతజ్ఞతలు తెలియజేస్తున్నా. ప్రతి ఒక్కరిపైనా దేవుడి కృప ఉండాలి. అందరూ సురక్షితంగా ఉండండి."