బాలీవుడ్ సూపర్స్టార్ ఆమిర్ఖాన్ హీరోగా నటిస్తున్న చిత్రం 'లాల్ సింగ్ చద్దా'. ఇప్పటికే అధికభాగం షూటింగ్ పంజాబ్లో పూర్తి చేసుకుంది. కొన్ని కీలక సన్నివేశాలు తీసేందుకు లద్దాఖ్ వెళ్లాల్సి ఉంది. కానీ ఇప్పుడు ఆ ప్రాంతంలో భారత్- చైనా దేశాల మధ్య నెలకొన్న హింసాత్మక పరిస్థితుల కారణంగా షెడ్యూల్ వాయిదా పడింది. ప్రస్తుత పరిస్థితుల దృష్ట్యా లద్దాఖ్లో షూటింగ్ ప్రశ్నార్థకంగా మారింది. దీంతో చిత్రీకరణను కార్గిల్కు మార్చే విషయమై ఆలోచిస్తోంది చిత్రబృందం. మరికొద్ది వారాల్లో ఈ విషయంపై ఓ స్పష్టత రానుంది.
'లాల్ సింగ్ చద్దా'.. ఈ ఏడాది క్రిస్మస్ కానుకగా విడుదల కావాల్సింది. కానీ అనుకున్న సమయానికి చిత్రీకరణ పూర్తి కాకపోవడం వల్ల ఆ తేదీ కాస్త మారింది. కరోనా వల్ల మరింత సమయం పట్టేలా కనిపిస్తోంది.