షూటింగ్‌లో ఓ ప్రమాదం నుంచి నటుడు సంపూర్ణేష్‌బాబు త్రుటిలో తప్పించుకున్నాడు. వివరాల్లోకి వెళితే సంపూర్ణేష్‌బాబు హీరోగా 'బజార్ రౌడీ' చిత్రం తెరకెక్కుతోంది. తాజాగా చిత్రంలోనే కొన్ని ఫైట్‌ సీన్లను చిత్రీకరిస్తున్నారు. ఈ క్రమంలోనే సంపూ బైక్‌తో పాటు గాల్లో ఉన్నట్టు ఒక షాట్‌ను తీస్తున్నారు. అందుకోసం బైక్‌ను తాడుతో కట్టి కిందకు వదిలే క్రమంలో అదుపు తప్పింది. దీంతో ఒక్కసారిగా అతడు కిందపడిపోయాడు. వెంటనే అప్రమత్తమైన సిబ్బంది అక్కడికి చేరుకుని సంపూను పైకి లేపారు. ఆ దృశ్యమంతా మానిటర్‌లో కనిపించింది. అయితే ఈ ప్రమాదం నుంచి అతడు సురక్షితంగా బయటపడినట్టు సమాచారం.
సంపూర్ణేష్‌కు త్రుటిలో తప్పిన ప్రమాదం! - సంపూర్ణేష్ బాబు బజారు రౌడీ షూటింగ్ట
షూటింగ్ సమయంలో జరిగిన ప్రమాదం నుంచి త్రుటిలో తప్పించుకున్నాడు బర్నింగ్ స్టార్ సంపూర్ణేష్ బాబు. 'బజార్ రౌడీ' చిత్రీకరణలో ఈ ఘటన చోటు చేసుకుంది.
సంపూర్ణేష్‌కు తృటిలో తప్పిన ప్రమాదం!
ఈ చిత్రానికి వసంత నాగేశ్వరావు దర్శకత్వం వహిస్తుండగా సందిరెడ్డి శ్రీనివాసరావు నిర్మిస్తున్నారు. మహేశ్వరి వద్ది కథానాయికగా ఆడిపాడుతోంది. సాయి కార్తీక్‌ సంగీతం అందిస్తున్నాడు. ఈ సినిమా ఫిబ్రవరిలో థియేటర్లలో సందడి చేయనుంది.
Last Updated : Jan 23, 2021, 2:08 PM IST