తమిళంలో విజయ్ సేతుపతి, త్రిష నటించిన '96' చిత్రం గతేడాది ఘనవిజయం అందుకుంది. తెలుగులో రీమేక్గా తెరకెక్కుతున్న ఈ సినిమాలో శర్వానంద్, సమంత నటించనున్నారు. ఇంకా టైటిల్ ఖరారు కాని ఈ చిత్రానికి సంబంధించి ఆసక్తికర అంశం బయటికొచ్చింది. ఈ సినిమాను ఫిబ్రవరి 14న ప్రేక్షకుల ముందుకు తీసుకురావాలనే ఆలోచనలో ఉందట చిత్రబృందం.
ప్రేమకథ నేపథ్యంలో రూపొందుతున్న ఈ సినిమాను ప్రేమికుల రోజునే తీసుకొస్తే మంచిదని భావిస్తున్నారట. ఈ అంశంపై త్వరలో అధికారిక ప్రకటన వచ్చే అవకాశముంది. సినిమాకు సంబంధించి... ఇప్పటికే విడుదలైన సమంత లుక్ అభిమానుల్ని ఆకట్టుకుంది.