అప్పట్లో హీరోలు.. ఏడాదికి ఐదు, పది అంతకంటే ఎక్కువ సినిమాలు చేసిన సందర్భాలు అనేకం. కానీ ప్రస్తుత తరంలో కథానాయకులు.. సంవత్సరానికి ఒకటి, రెండు చిత్రాలు చేయడం గగనమైపోయింది. అలాంటిది వరుసగా సినిమాలు చేస్తూ, ఎవ్వరికీ అందనంత ఎత్తులో బాలీవుడ్ స్టార్ అక్షయ్ కుమార్ నిలిచారు. ఈయనకు చేస్తున్న దాదాపు ఏడు సినిమాలు.. థియేటర్లలో ఈ ఏడాదిలోనే విడుదల కానున్నాయి! ఇంతకీ అవేంటి? వాటి సంగతులేంటి?
బెల్ బాటమ్
స్పై థ్రిల్లర్ కథతో తీస్తున్న ఈ సినిమా షూటింగ్.. లాక్డౌన్ సడలింపులు ఇచ్చిన తర్వాత జరిగింది. స్కాట్లాండ్లో ఒకే షెడ్యూల్లో మొత్తం పూర్తి చేశారు. ఇందులో అక్షయ్ రా ఏజెంట్గా కనిపించనున్నారు. వాణీ కపూర్ హీరోయిన్. ఏప్రిల్ 2న ప్రేక్షకుల ముందుకు రానుంది.
బెల్ బాటమ్ సినిమాలో అక్షయ్ కుమార్ సూర్యవంశీ
ఈ పోలీస్ యాక్షన్ డ్రామా.. గతేడాది మార్చిలోనే రావాల్సింది. లాక్డౌన్తో థియేటర్లు మూతపడటం వల్ల వాయిదా పడింది. రోహిత్ శెట్టి దర్శకత్వం వహించిన ఈ చిత్రంలో కత్రినా కైఫ్, అజయ్ దేవ్గణ్, రణ్వీర్ సింగ్ కీలక పాత్రలు పోషించారు. రాబోయే మార్చిలో సినిమాను విడుదల చేయాలనే ఆలోచనలో ఉన్నారు.
సూర్యవంశీ సినిమాలో అక్షయ్ కుమార్ అత్రాంగి రే
ఈ సినిమాలో అక్షయ్తో పాటు సారా అలీఖాన్, ధనుష్ నటిస్తున్నారు. లాక్డౌన్ కంటే ముందు ప్రకటించినప్పటికీ.. ఈ మధ్యే షూటింగ్ మొదలుపెట్టగా, ప్రస్తుతం శరవేగంగా జరుగుతోంది. ఆనంద్ ఎల్ రాయ్ దర్శకుడు. ఈ ఏడాది జూన్, జులైలో థియేటర్లలో చిత్రం విడుదలయ్యే అవకాశముంది.
అత్రాంగి రే సినిమాలో అక్షయ్, సారా అలీఖాన్, ధనుష్ పృథ్వీరాజ్
చారిత్రక కథతో తీస్తున్న ఈ సినిమాను, యోధుడు పృథ్వీరాజ్ జీవితం ఆధారంగా తెరకెక్కిస్తున్నారు. అక్షయ్ టైటిల్ రోల్ చేస్తున్నారు. మాజీ మిస్ వరల్డ్ మానుషీ చిల్లర్ కథానాయిక. గతేడాది రిలీజ్ కావాల్సిన ఈ చిత్రం.. లాక్డౌన్ దెబ్బకు ఆగిపోయింది. ఈ ఏడాది ఎలాగైనా సరే విడుదల చేయాలని చిత్రబృందం భావిస్తోంది. చంద్రప్రకాశ్ ద్వివేది దర్శకుడు. యష్ రాజ్ ఫిల్మ్స్ నిర్మిస్తోంది.
పృథ్వీరాజ్ సినిమాలో అక్షయ్ కుమార్ రక్షా బంధన్
అన్నా చెల్లెల్ల బంధానికి ప్రతీకగా నిలిచే కథతో ఈ సినిమా తీస్తున్నారు. ఈ ఏడాది నవంబరు 5న థియేటర్లలో విడుదల చేయనున్నట్లు ఇప్పటికే ప్రకటించారు. తన కెరీర్లో అత్యంత వేగంగా ఒప్పుకొన్న చిత్రమిదని అక్షయ్ చెప్పారు. ఆనంద్ ఎల్ రాయ్ దీనికి దర్శకుడు.
రక్షా బంధన్ సినిమాలో అక్షయ్ కుమార్ రామ్ సేతు
అక్షయ్ చేస్తున్న ఆసక్తికర సినిమా 'రామ్ సేతు'. నిజమా కల్పన? అనే ట్యాగ్లైన్తో చిత్ర పోస్టర్ను కొన్ని నెలల క్రితం విడుదల చేయగా, విపరీతమైన స్పందన వచ్చింది. 'రామ్సేతు'ను థియేటర్లలోకి ఈ ఏడాదే తీసుకొచ్చే సూచనలు ఎక్కువగా కనిపిస్తున్నాయి. అభిషేక్ శర్మ దర్శకుడు.
రామ్సేతు సినిమాలో అక్షయ్ కుమార్ బచ్చన్ పాండే
అజిత్ తమిళ సినిమా 'వీరమ్'కు ఇది రీమేక్. ఎప్పుడో దీనిపై ప్రకటన వచ్చినప్పటికీ లాక్డౌన్ వల్ల షూటింగ్ ప్రారంభించలేకపోయారు. కానీ ఈ సంవత్సరంలోనే చిత్రాన్ని విడుదల చేయాలని దర్శకులు భావిస్తున్నారు. కృతి సనన్ హీరోయిన్. ఫర్హాద్ సమ్జీ దర్శకుడు.
అక్షయ్ కుమార్ బచ్చన్ పాండే ఇవీ చదవండి:
