మీరు బాలీవుడ్లు సినిమాలు చూస్తారా? అయితే మీకో ప్రశ్న. అందులో కనిపిస్తున్న కొందరు స్టార్స్ది మనదేశం కాదు. కనీస భారతీయ పౌరసత్వం లేదు. అయినా సరే ఇక్కడ నటిస్తూ మనల్ని అలరిస్తున్నారు. అంతులేని వినోదాన్ని అందిస్తున్నారు. కానీ ఈ విషయం మీకు ఇప్పటివరకు తెలిసుండకపోవచ్చు. ఇంతకీ వారు ఎవరు? ఏయే దేశాలకు చెందినవారు? ఇలాంటి సంగతుల సమాహారమే ఈ కథనం.
ఆలియాభట్
'స్టూడెంట్ ఆఫ్ ది ఇయర్' సినిమాతో అరంగేట్రం చేసిన ఆలియా భట్.. తక్కువ సమయంలోనే బాగా గుర్తింపు తెచ్చుకుంది. భారీ బడ్జెట్ చిత్రాల్లో నటిస్తూ అత్యధిక పారితోషికం తీసుకుంటున్న నటీనటుల్లో ఒకరిగా పేరు తెచ్చుకుంది. అయితే లండన్లో పుట్టి పెరిగిన ఈమెకు బ్రిటీష్ పౌరసత్వం ఉంది. తండ్రి మహేశ్భట్ భారత్లోని ప్రముఖ దర్శకుడు కాగా, తల్లి సోనీ రజ్దాన్.. బ్రిటీష్ నటి.
అక్షయ్ కుమార్
అక్షయ్ కుమార్.. భారత్లో జరిగిన ఎన్నికల్లో మీరు ఎప్పుడైనా ఓటు వేయడం చూశారా? బహుశా చూసుండకపోవచ్చు. ఎందుకంటే అతడు పంజాబ్లోని అమృత్సర్లో పుట్టి పెరిగినా, కెనడా పాస్పోర్ట్ కోసం భారత పౌరసత్వాన్ని వదలుకున్నాడు. ప్రస్తుతం ఇక్కడే ఏడాది మూడు నుంచి నాలుగు సినిమాలు చేస్తూ ప్రేక్షకుల్ని అలరిస్తున్నాడు. 2016లో 'రుస్తుమ్' సినిమాకుగాను జాతీయ నటుడిగా అవార్డును అందుకోవడం విశేషం.
కత్రినా కైఫ్