అగ్ర కథానాయకుడు నందమూరి బాలకృష్ణ.. బోయపాటి శ్రీను దర్శకత్వంలో 'అఖండ' చేస్తున్నారు. మే లోనే సినిమా విడుదల కావాల్సినప్పటికీ, కరోనా సెకండ్ వేవ్ ప్రభావంతో షూటింగ్ ఆగిపోయింది. థియేటర్లు కూడా మూతపడ్డాయి. అయితే ఇటీవల ఓ ఇంటర్వ్యూలో పాల్గొన్న హీరోయిన్ ప్రగ్యా జైస్వాల్.. 'అఖండ' గురించి ఆసక్తికర విషయాల్ని పంచుకుంది.
బాలకృష్ణ 'అఖండ'.. ఇంకా 20 రోజులే! - బాలకృష్ణ అఖండ ప్రగ్యా జైస్వాల్
బాలకృష్ణ హీరోగా నటిస్తున్న 'అఖండ' షూటింగ్, ఇంకా 20 రోజులే మిగిలుందని హీరోయిన్ ప్రగ్యా తెలిపింది. ఇప్పటికే రిలీజ్ అయిన టీజర్ అభిమానుల్ని అలరిస్తూ, యూట్యూబ్లో రికార్డులు సృష్టిస్తోంది.
బాలకృష్ణ 'అఖండ'
ఇంకా 20 రోజుల షూటింగ్ మిగిలుందని ప్రగ్యా చెప్పింది. అది క్లైమాక్స్ ఫైట్ సీక్వెన్స్ అని తెలుస్తోంది. ఈ చిత్రానికి తమన్ సంగీతమందిస్తుండగా, మిర్యాల రవీందర్ రెడ్డి నిర్మిస్తున్నారు. ఇప్పటికే విడుదల బాలకృష్ణ టీజర్ అలరిస్తూ, సినిమాపై అంచనాల్ని పెంచుతోంది.
ఇది చదవండి:'బాలయ్య సెట్లో చాలా సరదాగా ఉంటారు'