బాలీవుడ్‌ ప్రేక్షకులు ఆసక్తిగా ఎదురుచూస్తున్న సినిమాల్లో 'బ్రహ్మాస్త్ర' ఒకటి. రణ్‌బీర్, అలియాభట్‌ ప్రధానపాత్రల్లో రూపొందుతున్న ఈ చిత్రంలో అమితాబ్‌తో పాటు.. టాలీవుడ్ ప్రముఖ కథానాయకుడు నాగార్జున నటిస్తున్నారు. అనేక వాయిదాల తర్వాత దీని చిత్రీకరణ ఓ కొలిక్కివచ్చింది.
2018లో మొదలైన ఈ సినిమా షూటింగ్‌ 2021కి దాదాపు పూర్తైయినట్లేనని చెప్పవచ్చు. కాకపోతే ఇక కొంచెం ప్యాచ్‌వర్క్‌ మిగిలింది. అయితే గ్రాఫిక్స్‌ వర్క్‌ ఇంకా మిగిలే ఉందని తెలుస్తోంది. ఇప్పుడీ సినిమా పబ్లిసిటీని బలంగా చేయాలని నిర్ణయించారు నిర్మాతలు. ఇందుకోసం 10టీజర్లు, 13 మోషన్ పోస్టర్లు సిద్ధం చేస్తున్నారు.