ప్రపంచవ్యాప్తంగా యూట్యూబ్​ డౌన్​.. కామెంట్లతో నెటిజన్లు ఫైర్​

సాంకేతిక సమస్యల కారణంగా గురువారం ఉదయం యూట్యూబ్​ సేవలకు అంతరాయం కలిగింది. దీనిపై స్పందించిన యాజమాన్యం పరిస్థితిని గంటలోపే చక్కదిద్దింది.

భారత్​ సహా పలు దేశాల్లో ఇవాళ యూట్యూబ్​ సేవలకు కొంతసేపు ఆటంకం కలిగింది. వినియోగదారులు వీడియోలు చూసేందుకు వీలుకాలేదు. సమస్యపై తక్షణమే స్పందించిన యాజమాన్యం గంటలోపే సమస్యను పరిష్కరించింది. వీక్షకులు గణనీయంగా పెరగటం వల్ల సర్వర్​పై లోడ్​ ఎక్కువై ఇబ్బందులు తలెత్తినట్లు సంస్థ వివరణ ఇచ్చింది.

యూట్యూబ్​ సేవలు నిలిచిపోయిన వెంటనే సామాజిక మధ్యమాల్లో నెటిజన్లు విశేషంగా స్పందించారు. 'YOUTUBEDOWN' అనే హ్యష్​ట్యాగ్​తో విపరీతంగా కామెంట్లు పెట్టడం వల్ల ఈ కీవర్డ్​ ట్రెండింగ్​లో కొనసాగింది. కేవలం ఒక్క గంటలో సుమారు 2లక్షల 80వేల మంది సమస్యపై చర్చించారు.సేవల్లో అంతరాయంపై క్షమాపణలు చెప్పిన యూట్యూబ్​.. సమస్య పరిష్కారమయ్యాక ట్విట్టర్​ వేదికగా ప్రకటన చేసింది.