అక్టోబర్ 5 నుంచి కొత్త ఆపరేటింగ్ సిస్టం విండోస్ 11 (Windows 11) అందుబాటులోకి వస్తుందని ప్రకటించింది మైక్రోసాఫ్ట్. ఆ తేదీ నుంచి ముందుగానే విండోస్ 11 లోడ్ చేసిన పీసీలు సహా అర్హత కలిగిన విండోస్-10 పీసీల్లోనూ ఈ కొత్త ఓఎస్ అందుబాటులో ఉంటుందని తెలిపింది. అధునాతన ఫీచర్లు, డిజైన్తో వస్తున్న ఈ ఓఎస్ కోసం వినియోగదారులు ఎంతో ఆసక్తిగా ఎదురుచూస్తున్నారు.
"మునుపెన్నడూ లేని విధంగా పీసీలు మన జీవితాల్లో కీలక పాత్ర పోషిస్తున్నాయి. అందుకే విండోస్ 11ను మీ ఉత్పాదకత పెంచి, సృజనాత్మకతకు రెక్కలు తొడిగేలా తీర్చిదిద్దాం." అని మైక్రోసాఫ్ట్ పేర్కొంది.
ఇవీ హైలైట్స్..
- అధునిక డిజైన్, సౌండ్ సిస్టమ్తో వచ్చే ఓఎస్ వాడటానికి ఇది ఎంతో సౌకర్యంగా ఉంటుంది
- రీసెంట్ ఫైల్స్ను చూసుకోవడానికి డివైజ్ ఏదైనా క్లౌడ్, మైక్రోసాఫ్ట్ 365 వినియోగించుకునేలా రూపకల్పన
- మల్టీ టాస్కింగ్, స్నాప్ లేఅవుట్, స్నాప్ గ్రూప్స్ ఫీచర్
- ప్రజలు త్వరగా అనుసంధానం కావడానికి టాస్క్బార్లో మైక్రోసాఫ్ట్ టిీమ్స్ సదుపాయం
- సమాచారాన్ని త్వరితగతిన అందుకోవడానికి ఏఐతో కూడిన విడ్జెట్స్
- హై క్వాలిటీ గేమ్స్ ఆడటానికి అందుబాటులోకి డైరెక్ట్ఎక్స్12 అల్టిమేట్, డైరెక్ట్సోరేజీ వంటి సాంకేతికతలు
- కావాల్సిన యాప్స్ కోసం విశ్వనీయ, సరికొత్త మైక్రోసాఫ్ట్ స్టోర్
- దివ్యాంగులు సులువుగా వాడుకునేలా ప్రత్యేకమైన డిజైన్
- స్టోర్లో కొత్త యాప్స్ ఉంచేందుకు డెవలపర్లు, క్రియేటర్లకు అవకాశం
- టచ్, డిజిటల్ పెన్, వాయిస్ ఇన్పుట్లతో వేగంగా, సమర్థవంతమైన పనితీరుతో ఓఎస్
- హైబ్రిడ్ పనుల కోసం రూపొందించిన విండోస్ 11లో పీసీ భద్రత కోసం పటిష్ట సాంకేతిక ఏర్పాటు
ఇదీ చూడండి:Windows 11: చాట్, కాల్స్కి కొత్త యాప్
