WhatsApp new features: పిచ్చాపాటి కబుర్ల నుంచి అధికారిక సంభాషణల వరకు ప్రపంచవ్యాప్తంగా ఎక్కువ మంది ఉపయోగించే ఏకైక యాప్ వాట్సాప్. ఇతర మెసేజింగ్ యాప్‌లలోనూ అవే ఫీచర్స్‌ ఉన్నప్పటికీ యూజర్‌ ఫ్రెండ్లీ ఇంటర్‌ఫేస్‌ కావడం వల్ల ఎక్కువ మంది వాట్సాప్ వైపే మొగ్గు చూపుతున్నారు. తాజాగా వాట్సాప్‌లోని వాయిస్నోట్ ఫీచర్లో మరో కొత్త అప్డేట్ను వినియోగదారులకు పరిచయం చేయనున్నట్లు సమాచారం. దీంతో యూజర్స్ బ్యాక్‌గ్రౌండ్‌లోనే వాయిస్ మెసేజ్ వినవచ్చని వాట్సాప్ కమ్యూనిటీ బ్లాగ్‌ వాట్సాప్ బీటా ఇన్ఫో (వాబీటాఇన్ఫో) తెలిపింది.
ప్రస్తుతం వాయిస్ మెసేజ్ ప్లే చేసి చాట్ పేజీ నుంచి బయటకు వస్తే ఆడియో ఆగిపోతుంది. త్వరలో అందుబాటులోకి రానున్న అప్‌డేట్‌తో వాయిస్ మెసేజ్ ప్లే చేసి, ఎంచక్కా ఇతరులతో చాట్ చేస్తూ ఆడియోను వినవచ్చు. మనం ప్లే చేసిన వాయిస్ మెసేజ్ చాట్ పేజీ పై భాగంలో కనిపిస్తుందని వాట్సాప్ బీటా ఇన్ఫో వెల్లడించింది.