Upcoming Smartphones October 2023 : అక్టోబర్ నెల అంటే పండుగ సీజన్. అందుకే ఈ పండుగ సీజన్ను క్యాష్ చేసుకునేందుకు టాప్ బ్రాండెడ్ మొబైల్ కంపెనీలు అన్నీ సన్నద్ధం అవుతున్నాయి. ముఖ్యంగా గూగుల్, శాంసంగ్, వన్ప్లస్ లాంటి టాప్ బ్రాండ్ కంపెనీలు.. ఈ అక్టోబర్లో తమ లేటెస్ట్ స్మార్ట్ఫోన్లను లాంఛ్ చేయనున్నాయి. వాటి పూర్తి వివరాలు ఇప్పుడు తెలుసుకుందాం.
Google Pixel 8 Series : గూగుల్ కంపెనీ అక్టోబర్ 4న గూగుల్ పిక్సెల్ 8 సిరీస్ ఫోన్లను లాంఛ్ చేయనుంది. గూగుల్ పిక్సెల్ 8, పిక్సెల్ 8 ప్రో ఫోన్లలో టెన్సర్ జీ3 చిప్, న్యూ కెమెరా సిస్టమ్ను అమర్చినట్లు తెలుస్తోంది. ఈ గూగుల్ పిక్సెల్ 8 సిరీస్ ఫోన్లలో.. న్యూ ఏఐ పవర్డ్ సాఫ్ట్వేర్స్ కూడా ఇన్స్టాల్ చేసినట్లు సమాచారం.
OnePlus Open :వాస్తవానికి వన్ప్లస్ మొదటి ఫోల్డబుల్ ఫోన్ ఆగస్టులోనే లాంఛ్ కావాల్సి ఉంది. అయితే కొన్ని అనుకోని కారణాల వల్ల అది ఆగిపోయింది. కానీ ఈ ఫస్ట్ వన్ప్లస్ ఫోల్డబుల్ ఫోన్ అనేది అక్టోబర్ 19న లాంఛ్ అయ్యే ఛాన్స్ ఉంది. ప్రముఖ సినీ నటి అనుష్క శర్మ వన్ప్లస్ ఓపెన్ ఫోన్ను వాడుతున్న దృశ్యాలు ఇప్పుడు ఆన్లైన్లో ట్రెండ్ అవుతున్నాయి. వీటిలో.. బ్లాక్ కలర్లో అదిరిపోయే లుక్తో వన్ప్లస్ ఓపెన్ కనిపిస్తోంది.
OnePlus 11R (Red) : వన్ప్లస్ 11 ఆర్ (రెడ్) ఫోన్ 18జీబీ ర్యామ్+152జీబీ స్టోరేజ్ కెపాసిటీతో వస్తుందని మార్కెట్ వర్గాల టాక్. ముఖ్యంగా ఇది రౌండ్ కెమెరా సెటప్తో, లెథర్ లాంటి ఫినిషింగ్తో వస్తుందని అంచనా వేస్తున్నారు. దీనిలో స్నాప్డ్రాగన్ 8+ జెన్ 1 ప్రాసెసర్ను అమర్చారు. ఇది ఆండ్రాయిడ్ 13 బేస్డ్ ఆక్సిజన్ ఓఎస్తో పనిచేస్తుంది.