Upcoming Mobile 2023 In India : ప్రస్తుత టెక్నాలజీ యుగంలో సాంకేతికత అనేది ప్రతిఒక్కరికీ అందుబాటులోకి వచ్చింది. రోజురోజుకు సాంకేతికత కొత్త పుంతలు తొక్కుతోంది. రోజుకో కొత్త టెక్నాలజీ మార్కెట్‌లోకి వస్తోంది. టెక్నాలజీని ఉపయోగించుకోవడంలో స్మార్ట్‌ఫోన్లు అనేవి కీలకంగా మారుతున్నాయి. కొత్త ఫీచర్‌తో కూడిన అప్డేట్ వెర్షన్ కలిగిన స్మార్ట్‌ఫోన్లు ఎప్పటికప్పుడు మార్కెట్‌లోకి వస్తూ వినియోగదారులను ఆకట్టుకుంటున్నాయి. ఈ ఏడాది కూడా మార్కెట్‌లోకి కొత్తగా అనేక స్మార్ట్‌ఫోన్లు రానున్నాయి. వీటి కోసం స్మార్ట్‌ఫోన్ ప్రియులు కూడా ఆసక్తిగా ఎదురుచూస్తున్నారు. ఈ ఏడాది రానున్న వివిధ కంపెనీల కొత్త స్మార్ట్‌ఫోన్ల గురించి ఇప్పుడు తెలుసుకుందాం.
సామ్‌సంగ్ గెలాక్సీ Z ఫోల్డ్ 5
Samsung z fold 5 release date : జులై చివరిలో జరిగే తమ అన్‌ప్యాక్డ్ కార్యక్రమంలో ఫ్లాగ్‌షిప్ ఫోల్డబుల్ Z ఫోల్డ్ 5 స్మార్ట్‌ఫోన్‌ను విడుదల చేయడానికి సామ్‌సంగ్ సిద్దమవుతోంది. గెలాక్సీ Z ఫోల్డ్ 4 ఫోన్ ఇప్పటికే మార్కెట్‌లోకి రాగా.. దానికి అప్డేట్ వెర్షన్‌గా గెలాక్సీ Z ఫోల్డ్ 5ని తీసుకువస్తున్నారు. చాలా మందంగా ఉండేలా కొత్త డిజైన్‌తో ఈ ఫోన్ తయారుచేస్తున్నారు. ఓ‌ఎల్‌ఈడీ స్క్రీన్‌తో పాటు స్నాప్డ్రాగన్ 8 జెన్ 2 ఎస్‌ఓసీ, మెరుగైన అండర్ డిస్‌ప్లే సెల్ఫీ కెమెరాను ఈ ఫోన్ కలిగి ఉంది. ఈ ఫోన్ ధర కాస్త ఎక్కువగా ఉంటుందని సమాచారం.
సామ్‌సంగ్ గెలాక్సీ Z ఫ్లిప్ 5
Samsung z flip 5 release date ఈ ఫోన్ పెద్ద కవర్ డిస్ప్లేను కలిగి ఉంటుందని తెలుస్తోంది. మిగిలిన ఫీచర్లు ప్రస్తుతం ఉన్న గెలాక్సీ Z ఫ్లిప్ 4 మాదిరిగా ఉండనున్నాయి. ఈ ఫ్లిప్ 5 వెర్షన్ స్మార్ట్‌ఫోన్ కూడా స్నాప్డ్రాగన్ 8 జెన్ 2 ఎస్‌ఓసీ ఆధారంగా పనిచేస్తుంది. 8 జీబీ ర్యామ్, 12 జీబీ ఇంటర్నల్ మెమరీ ఉంటుంది. ఫ్లిప్ ఫోన్ ధరలు చాలా తక్కువగా ఉండటమే కాకుండా కాంప్టాక్ డిజైన్లతో బాగా ప్రాచుర్యం పొందాయి.
నథింగ్ ఫోన్ (2)
Nothing phone 2 launch date ఇండియాలో త్వరలో విడుదల కాబోతున్న అత్యంత ఆసక్తిగల ఫోన్ ఇది. స్నాప్డ్రాగన్ 8 ప్లాస్ జెన్ 1 ఎస్‌ఓసీ ప్రాసెసర్ ఉంటుంది. నథింగ్ ఆపరేటింగ్ సిస్టమ్‌ను బూట్ చేయడమే కాకుండా వెనకవైపు మెరుగైన గ్లిఫ్ లైటింగ్‌ను కలిగి ఉంటుంది. అలాగే వెనుకవైపు సూపర్ డ్యూయల్ కెమెరా సిస్టమ్ కూడా ఉంటుంది.