సెలబ్రిటీల ట్వీట్స్​ ఇక ఫ్రీగా చూడలేం!

మైక్రోబ్లాగింగ్ సంస్థ ట్విట్టర్​.. కొత్త ఫీచర్స్​ను తీసుకొస్తున్నట్లు వెల్లడించింది. ఈ ఫీచర్స్​ ద్వారా వారి వారి ఇష్టాలను బట్టి ఏదైనా గ్రూప్​ను రూపొందించటం లేదా గ్రూప్​లో జాయిన్ అవ్వొచ్చని పేర్కొంది. అంతేకాక అదనపు సమాచారం కావాలంటే ఫాలోవర్లు నగదు చెల్లించేలా 'సూపర్ ఫాలోస్' పేరుతో పేమెంట్​ ఫీచర్​ను తీసుకు రానున్నట్లు తెలిపింది.

అమెరికాకు చెందిన మైక్రోబ్లాగింగ్​ సంస్థ ట్విట్టర్​.. త్వరలో రెండు కొత్త ఫీచర్స్​ను అందుబాటులోకి తీసుకురానున్నట్లు తెలిపింది. యూజర్ల ఇష్టాలను బట్టి​ ఎవరైనా గ్రూప్​ను రూపొందించొచ్చని, లేదా ఉన్న గ్రూప్​ జాయిన్​ కావొచ్చని వివరించింది. 'సూపర్​ ఫాలోస్'​ పేరుతో పేమెంట్​ విధానాన్ని తీసుకురానున్నట్లు పేర్కొంది.

• ఏ గ్రూప్​లోనైనా..

ఫేస్​బుక్​లో ఉన్న 'కమ్యూనిటీస్ విధానం' తరహాలోనే ఈ ఫీచర్​ ద్వారా తమకిష్టమైన గ్రూప్​ను ఖాతాదారుడు రూపొందించవచ్చు. లేదా తమకు ఇష్టమున్న గ్రూప్​లో జాయిన్​ కావొచ్చు. సంబంధిత గ్రూప్స్​పై వచ్చిన ట్వీట్లను, సమాచారాన్ని చూడవచ్చు.

• సూపర్​ ఫాలోస్​..

'సూపర్​ ఫాలోస్​' పేరుతో సరికొత్త పేమెంట్​ ఫీచర్​ను తీసుకురానుంది ట్విట్టర్. సెలబ్రిటీలు, ప్రముఖ వ్యక్తులు.. తమ ట్వీట్లు, సమాచారం, ఫొటోలను అభిమానులు చూడాలంటే ఈ విధానాన్ని ఉపయోగించి నగదు తీసుకోవచ్చు.

అయితే కచ్చితంగా ఎప్పుడు ఈ ఫీచర్స్​.. అందుబాటులోకి వస్తాయో ట్విట్టర్ తెలపలేదు.

ఇదీ చదవండి :కొవిడ్ టీకా తీసుకున్న ప్రధాని మోదీ