శాంసంగ్ గెలాక్సీ ఏ-31 వచ్చేస్తోంది.. ధరెంతో తెలుసా?

మిడ్​ రెంజ్​లో మరో స్మార్ట్​ఫోన్​ను భారత మార్కెట్లోకి తీసుకొచ్చేందుకు సిద్ధమైంది శాంసంగ్. గెలాక్సీ ఏ-31 పేరుతో గురువారం మధ్యాహ్నం ఈ స్మార్ట్​ను దేశీయ విపణిలోకి విడుదల చేయనుంది. ఈ ఫోన్​ ఫీచర్లు, ఇతర వివరాలు ఇలా ఉన్నాయి.

దక్షిణ కొరియాకు చెందిన ప్రముఖ స్మార్ట్​ఫోన్ల తయారీ సంస్థ శాంసంగ్‌ భారత్‌లో మరోకొత్త స్మార్ట్​ఫోన్​ను విడుదల చేయనుంది. గెలాక్సీ శ్రేణిలో ఏ31 పేరుతో.. గురువారం (జూన్​ 4)న ఈ మోడల్​ను ఆవిష్కరించనుంది. ఈ స్మార్ట్​ఫోన్ ఫీచర్లు, ధర వంటి వివరాలు మీకోసం.

ఫీచర్లు..

• 6.4 అంగుళాల ఫుల్‌ హెచ్‌డీ+ సూపర్‌అమోల్డ్‌ ఇన్ఫినిటీ యూ డిస్‌ప్లే
• మీడియా టెక్‌ హీలియో పీ65 ప్రాసెసర్‌
• వెనుకవైపు నాలుగు కెమెరాలు (48 ఎంపీ+8ఎంపీ+5 ఎంపీ+5ఎంపీ)
• 20 మెగా పిక్సెల్స్​ సెల్ఫీ కెమెరా.
• 5,000 ఎంఏహెచ్‌ బ్యాటరీ

4జీబీ ర్యామ్‌+ 64 జీబీ స్టోరేజ్​, 6 జీబీ ర్యామ్+128 జీబీ స్టోరేజ్​లో రెండు వేరియంట్లలో ఈ మోడల్​ అందుబాటులోకి రానున్నట్లు తెలిస్తోంది. ధర విషయానికొస్తే రూ.23వేలు ఉంటుందని సమాచారం.

ఇదీ చూడండి:ఈ బ్రాండ్ల పూర్తి పేర్లు మీకు తెలుసా?