కరోనా భయంతో చేతులను శుభ్రంగా కడుక్కొంటున్నాం సరే. పదే పదే ఉపయోగించే ఫోన్, ఇయర్ఫోన్లను మాత్రం పూర్తిగా పట్టిచుకోవడం మానేశాం. వీటి మీద ఉండే క్రిములు, బాక్టీరియా వల్ల మనం అనారోగ్యం పాలయ్యే అవకాశముంది. ఈ విషయాన్ని దృష్టిలో ఉంచుకొని నూతన యూవీ శానిటైజర్ను విడుదల చేసింది శాంసంగ్. ఇది ప్రపంచవ్యాప్తంగా అందరికీ అందుబాటులోకి తెచ్చినట్లు వెల్లడించింది. బాక్టీరియాను, క్రిములను ఈ శానిటైజర్ పరికరం 99 శాతం చంపేస్తుందని... కరెంట్ లేనప్పుడు ఉపయోగించుకునేలా వైర్లెస్ ఛార్జింగ్ సదుపాయం ఉన్నట్లు తెలిపింది.
" ఈరోజుల్లో వ్యక్తిగత పరిశుభ్రత చాలా ముఖ్యం. అందుకే బాక్టీరియా, క్రిములను చంపేసే యూవీ శానిటైజర్ తయారు చేశాం. ఇది ఛార్జింగ్ చేసుకొని వాడుకోవచ్చు. దీన్ని శాంసంగ్ సీ&టీ తయారుచేసింది. జూన్ నెల నుంచే ఈ పరికరాన్ని పరిమితంగా శాంసంగ్ స్టోర్లలో అందుబాటులోకి తెచ్చాం. ఇప్పుడు వాటిని విశ్వవ్యాప్తం చేశాం. ఈ శానిటైజర్ సాయంతో 10 నిమిషాల్లోనే ఎలక్ట్రానిక్ పరికరాలపై క్రిములను చంపేయొచ్చు"