టెస్లా సెల్ఫ్ డ్రైవింగ్ కారులో ప్రయాణం చాలామందికి ఓ కల. అలాంటి అద్భుతమైన అనుభవాన్ని సొంతం చేసుకున్న జోర్డాన్ నెల్సన్ అనే వ్యక్తికి ఊహించని పరిణామం ఎదురైంది. తన కారు వేగం ఒక్కసారిగా తగ్గిపోవడం గమనించి ఆశ్చర్యానికి గురయ్యాడు. దీనికి సంబంధించిన వీడియో పది లక్షల వ్యూస్తో దూసుకెళ్తోంది.
నెల్సన్కి ఏం జరిగింది?
వేగంగా వెళ్తున్న తన కారు పొరపాటున చంద్రుడిని ట్రాఫిక్ సిగ్నల్లోని ఎల్లో లైట్గా భావించిందని నెల్సన్ పేర్కొన్నాడు. దీనితో అకస్మాత్తుగా కారు వేగం తగ్గిపోవడాన్ని గమనించాడు. ఈ మొత్తాన్ని వీడియోగా చిత్రీకరించిన అతను.. టెస్లా సీఈఓ ఎలాన్ మస్క్‌ను ట్యాగ్ చేస్తూ ట్విట్టర్లో షేర్ చేశాడు. అయితే ఈ వీడియోపై టెస్లా అధినేత ఎలాన్ మస్క్ నుంచి ఏ విధమైన స్పందన రాలేదు.
"ఆటోపైలట్ వ్యవస్థను మోసగించాలని టెస్లా బృందం అనుకోవచ్చు. కానీ.. చంద్రుణ్ని చూసి ట్రాఫిక్ లైట్ అనుకొని స్లో అయింది."
--జోర్డాన్ నెల్సన్
ఈ వీడియో చూసిన నెటిజన్లు చాలామంది.. ఆశ్చర్యం వ్యక్తం చేస్తున్నారు. అంతేగాక ఆటో పైలట్ వ్యవస్థ సురక్షితమేనా? అని ప్రశ్నిస్తున్నారు.
- 'ఓహ్ మై గాడ్ మీరు మరీ ఘోరంగా ఉన్నారే..! జుమాన్జీ లాగే వెంటాడినట్లు అనిపిస్తోంది' అని ఒకరు కామెంట్ చేశారు.
- 'మానవులు ఎన్ని తప్పులు చేస్తున్నారో తెలుసుకోండి. మనం సగం కంటే తక్కువ సాంకేతికతనే జయించాం. వాస్తవానికి ఇవి అంతగా సురక్షితం కాదు' అంటూ రాబర్ట్ టి. బ్రౌన్ అనే వ్యక్తి రాసుకొచ్చారు.
- రెండు చంద్రులు ఉన్న గ్రహాలపై ఇదే సమస్య. అంగారకునిపై(మార్స్) కాలనీలు నిర్మించే ప్రణాళికలకు ఈ చర్య ఏ విధంగా ఉపయోగపడుతుంది? అని మెగ్ అనే వ్యక్తి కామెంట్ చేశారు.
ఇవీ చదవండి:
