ఫేస్​బుక్​లో స్క్రీన్​ షేరింగ్ ఫీచర్- ఇలా వాడాలి...

మెసెంజర్​లో సరికొత్త ఫీచర్​ను అందుబాటులోకి తెచ్చింది ఫేస్​బుక్. వీడియో కాల్స్​ను మరింత ఆకర్షిణీయంగా వాడుకునేందుకు స్క్రీన్ షేరింగ్​కు వీలు కల్పించింది. ఆ ఫీచర్ పూర్తి వివరాలు మీకోసం...

కొత్త కొత్త అప్​డేట్​లతో ఎప్పుడూ వినియోగదారులకు ఆకర్షించే ఫేస్​బుక్​ తాజాగా అదిరే ఫీచర్ అందుబాటులోకి తెచ్చింది. ఫేస్​బుక్ మెసెంజర్ ద్వారా యూజర్లకు స్క్రీన్ షేరింగ్ చేసుకునే సదుపాయాన్ని కల్పించింది.

స్కీన్​ షేరింగ్అం టే?

ఫేస్​బుక్ యూజర్లు మెసెంజర్ ద్వారా ఇప్పటికే వీడియో కాల్ చేసే సదుపాయం ఉంది. అయితే ఇప్పుడు తాజాగా ఈ వీడియో కాల్​ ద్వారానే స్క్రీన్ షేరింగ్ ఫీచర్​ కూడా పని చేస్తుంది.

ఎవరైనా యూజర్ స్నేహితులకు వీడియో కాల్ చేసినప్పుడు.. స్క్రీన్ షేరింగ్ ఫీచర్​ను వినియోగించి తమ ఫోన్​ స్క్రీన్​ను(మొబైల్​ లేదా డెస్క్​టాప్ తెరను) కాల్​లో ఉన్నవారందరితో పంచుకునేందుకు వీలుంటుంది.

మెసెంజర్ రూమ్స్​లోనూ ఈ ఫీచర్ అందుబాటులో ఉన్నట్లు ఫేస్​బుక్ తెలిపింది. ప్రస్తుతానికి వెబ్​, డెస్క్​టాప్ వెర్షన్​లలో మెసెంజర్ రూమ్స్​ ద్వారా 16 మందితో స్క్రీన్​ షేర్ చేసుకునే సదుపాయం ఉంది. త్వరలోనే ఈ పరిమితిని 50కి పెంచనున్నట్లు వెల్లడించింది.

ఉపయోగాలు..

స్క్రీన్ షేరింగ్ ద్వారా వేర్వేరు ప్రాంతాల్లో ఉన్న వ్యక్తులు కలిసి ఆన్​లైన్ షాపింగ్ చేయొచ్చు. ఇతర సమాచారాన్ని పంచుకోవడం మరింత సులభం కానుంది.

ఇదీ చూడండి:హానర్​ నుంచి 2 బడ్జెట్ ఫోన్లు- ధర తెలిస్తే షాకే!