టెక్నాలజీ పరంగా ఇతర దేశాలతో పోటీపడుతోంది భారత్. ఇందులో భాగంగా వేగవంతమైన డేటా సేవలను అందించేందుకు టెలికాం నెట్వర్క్ కంపెనీలు తమ పరికరాలను సిద్ధం చేస్తున్నాయి. ఫలితంగా మొబైల్ తయారీ కంపెనీలు కూడా 5జీ నెట్వర్క్ స్మార్ట్‌ఫోన్లను ఇప్పటికే మార్కెట్లోకి విడుదల చేశాయి.
అయితే ఈ టెక్నాలజీతో ఫోన్ తయారీ అనేది ఖర్చుతో కూడుకున్నది కావడంతో మొబైల్ కంపెనీలు 5జీ ఫోన్లను ఎక్కువ ధర విక్రయించడం ప్రారంభించాయి. ఈ నేపథ్యంలో 5జీ ఫోన్ అనేది సామాన్యుడి అందని ద్రాక్షగానే మిగిలిపోయింది. మొబైల్ విడిభాగాలను ఉత్పత్తి చేసే కంపెనీలు, మొబైల్ తయారీ కంపెనీలు తక్కువ ధరకే 5జీ మొబైల్స్‌ని అందించే దిశగా దృష్టి సారించాయి.
5జీ నెట్వర్క్ అందుబాటులోకి రాకముందే 5జీ ఫోన్లకు మార్కెట్లో డిమాండ్ మొదలైంది. మరి ఇప్పటివరకు భారత మార్కెట్లోకి వచ్చిన 5జీ ఫోన్లు ఏవి?.. అలానే రాబోయే 5జీ మోడల్స్‌ ఏంటనేది ఓ లుక్కేద్దాం రండి.
1. యాపిల్ ఐఫోన్ 12
యాపిల్ ఈ సిరీస్‌లో మొత్తం నాలుగు ఫోన్లను విడుదల చేసింది. ఐఫోన్ 12, ఐఫోన్ 12 ప్రో, ఐఫోన్ 12 ప్రో మాక్స్‌, ఐఫోన్ 12 మినీ. ధర, ఫీచర్ల పరంగా వీటి మధ్య వ్యత్యాసం ఉన్నప్పటికీ.. ఈ ఫోన్లు 5జీ టెక్నాలజీని సపోర్ట్ చేస్తాయి. ఇందుకోసం వీటిలో యాపిల్ ఫ్లాగ్‌షిప్ ఏ 14 బయోనిక్ చిప్‌ను ఉపయోగించారు. నెట్వర్క్ అందుబాటులో ఉన్న దాన్ని బట్టి 4జీ/5జీకి మారేందుకు వీలుగా ఈ ఫోన్లలో స్మార్ట్ డేటా మోడ్ ఉంది. అన్నింటిలోనూ సూపర్ రెటినా ఎక్స్‌డీఆర్ డిస్‌ప్లే ఇస్తున్నారు.
ధర పరంగా ఐఫోన్ 12 మినీ రూ. 69,900, ఐఫోన్ 12 రూ. 79,900, ఐఫోన్ 12 ప్రొ రూ. 1,19,900, ఐఫోన్ ప్రొమ్యాక్స్‌ రూ 1,29,000.
2. శాంసంగ్ గెలాక్సీ నోట్ 20 అల్ట్రా
శాంసంగ్ గెలాక్సీ నోట్ 20 సిరీస్‌లో రెండు మోడల్స్‌ను తీసుకొచ్చింది. వీటిలో గెలాక్సీ నోట్ 20 అల్ట్రా మోడల్ మాత్రమే 5జీ నెట్‌వర్క్‌ని సపోర్ట్ చేస్తుంది. ఇందులో ఎగ్జినోస్‌ 990 ప్రాసెసర్‌ను ఉపయోగించారు. 6.9-అంగుళాల డబ్ల్యూహెచ్‌డీ ఇన్ఫీనిటీ ఓ డైనమిక్‌ అమోలెడ్ 2ఎక్స్‌ ఎడ్జ్‌ డిస్‌ప్లే ఇస్తున్నారు. ఫోన్‌తో పాటు ఎస్‌-పెన్ అదనం. 8జీబీ ర్యామ్/256జీబీ అంతర్గత స్టోరేజి వేరియంట్ ధర రూ. 1,04,999. శాంసంగ్ తొలి మడతబెట్టే ఫోన్ జెడ్‌ ఫోల్డ్2 కూడా 5జీ నెట్‌వర్క్‌ని సపోర్ట్ చేస్తుంది.
దీని ధర రూ. 1,49,999.
3. వివో ఎక్స్‌50 ప్రో
వివో భారత్ మార్కెట్లో అందిస్తున్న తొలి 5జీ ఫోన్. ఇందులో క్వాల్‌కోమ్ స్నాప్డ్రాగన్ 76 5జీ ప్రాసెసర్‌ను ఉపయోగించారు. 6.5-అంగుళాల సూపర్ అమోలెడ్ డిస్‌ప్లే ఇస్తున్నారు. 8జీబీ ర్యామ్/128జీబీ ఇంటర్నల్ మెమొరీ వేరియంట్లో ఈ ఫోన్ లభిస్తుంది.
ధర రూ. 49,990.
4. షావోమి ఎంఐ 10టీ 5జీ
షావోమి కంపెనీ ఎంఐ 10టీ సిరీస్‌లో రెండు ఫోన్లను విడుదల చేసింది. ఎంఐ 10టీ, ఎంఐ 10టీ ప్రో. ఈ రెండు మోడల్స్‌ 5జీ నెట్‌వర్క్‌ను సపోర్ట్ చేస్తాయి. వీటిలో క్వాల్‌కోమ్ స్నాప్డ్రాగన్ 865 ప్రాసెసర్‌ను ఉపయోగించారు. 6.67-అంగుళాల ట్రూకలర్ డాట్ డిస్‌ప్లే ఇస్తున్నారు. 10టీ 6జీబీ ర్యామ్/128జీబీ, 8జీబీ ర్యామ్/128జీబీ, 10టీ ప్రో 8జీబీ ర్యామ్/128జీబీ వేరియంట్లలో లభిస్తుంది.
ఈ మోడల్ ప్రారంభ ధర రూ. 35,999.
5. వన్‌ప్లస్‌ 8 అండ్ నార్డ్
వన్‌ప్లస్‌ భారత మార్కెట్లోకి నాలుగు 5జీ ఫోన్లను తీసుకొచ్చింది. వన్‌ప్లస్‌ 8 సిరీస్‌, వన్‌ప్లస్‌ నార్డ్. వన్‌ప్లస్‌ 8 సిరీస్‌లో మూడు వేరియంట్లున్నాయి. వన్‌ప్లస్‌ 8, 8 ప్రో, 8టీ. మూడు వేరియంట్లలో క్వాల్‌కోమ్ స్నాప్డ్రాగన్ 865 ప్రాసెసర్‌ను ఉపయోగించారు. నార్డ్ మోడల్‌లో క్వాల్‌కోమ్ స్నాప్డ్రాగన్ 765జీ ప్రాసెసర్‌ను ఉపయోగించారు. వన్‌ప్లస్‌ నార్డ్‌లో 6.44-అంగుళాల అమోలెడ్ డిస్‌ప్లే ఇస్తున్నారు. 8 (6.55-అంగుళాలు), 8ప్రో (6.78-అంగుళాలు), 8టీ (6.55-అంగుళాలు)లో అమోలెడ్ డిస్‌ప్లే ఇచ్చారు.
వన్‌ప్లస్‌ 8 సిరీస్‌ ధర రూ, 41,999 నుంచి ప్రారంభమవుతుంది. 6జీబీ ర్యామ్/128జీబీ, 8జీబీ ర్యామ్/256జీబీ వేరియంట్లలో లభిస్తాయి. ఇక వన్‌ప్లస్‌ నార్డ్ ప్రారంభ ధర రూ. 24,999. 6జీబీ ర్యామ్/64జీబీ, 8జీబీ ర్యామ్/128జీబీ, 12జీబీ ర్యామ్/256జీబీ వేరియంట్లలో ఈ మోడల్ లభిస్తుంది.
6. అసుస్‌ రోగ్ ఫోన్ 3
అసుస్‌ నుంచి వచ్చిన తొలి 5జీ ఫోన్ ‘రోగ్ ఫోన్ 3’. గేమర్స్‌ కోసం ప్రత్యేకంగా విడుదల చేసిన ఈ ఫోన్‌లో క్వాల్‌కోమ్ స్నాప్డ్రాగన్ 865+ ప్రాసెసర్‌ను ఉపయోగించారు. 6.59-అంగుళాల ఫుల్ హెచ్‌డీ+ అమోలెడ్ డిస్‌ప్లే ఇస్తున్నారు. 8జీబీ ర్యామ్/128జీబీ, 12జీబీ ర్యామ్/256జీబీ వేరియంట్లలో లభిస్తుంది.