సరికొత్త బ్రౌజర్​ 'జియో పేజెస్​' ప్రత్యేకతలు ఇవే..

రిలయన్స్ జియో సరికొత్త మొబైల్​ బ్రౌజర్​ను తీసుకొని వచ్చింది. 'జియో పేజెస్'​ పేరిట విడుదలైన ఈ యాప్​.. గూగుల్​ ప్లేస్టోర్​ నుంచి డౌన్​లోడ్​ చేసుకోవచ్చు. పూర్తి మేడ్-ఇన్-ఇండియా యాప్​గా ఎనిమిది భాషల్లో రూపుదిద్దుకుంది.

ప్రముఖ వ్యాపార సంస్థ రిలయన్స్​ జియో.. నూతన మొబైల్​ బ్రౌజర్​ 'జియో పేజెస్'​ను అందుబాటులోకి తీసుకువచ్చింది. సమాచార గోప్యతకు అధిక ప్రాధాన్యం ఇచ్చేలా దీన్ని రూపొందించారు. వేగవంతమైన పనితీరుతో పాటు దేశీయ ప్రజలను ఆకర్షించేలా జియో పేజెస్​లో ఫీచర్స్​ జోడించారు.

ప్రత్యేకతలు ఇవే...

• కావాల్సిన పేజీలను వేగంగా యాక్సెస్​
• హైస్పీడ్​ మీడియా స్ట్రీమింగ్​
• తెలుగు,తమిళం, హిందీ వంటి ఎనిమిది స్థానిక భాషల్లో బ్రౌజింగ్​కు అవకాశం
• ప్రాంతీయ భాషల్లో పాపులర్​ అయిన సైట్లను ముందుగానే గుర్తించి చూపిస్తుంది
• యూజర్​ ఫ్రెండ్లీగా ఉంటూ సమాచార గోప్యతపై మరింత దృష్టి
• యూజర్​కు కావాల్సిన స్రీన్​ ​మాత్రమే ఎంచుకునే అవకాశం
• సెర్చ్​ ఇంజిన్లు అన్నీ ఓకే చోట లభ్యం. కోరిన వాటిని పిన్​ చేసుకునే సదుపాయం
• రాత్రి పూట కంటి చూపు దెబ్బతినకుండా ఉండడానికి 'డార్క్​మోడ్​' ఆప్షన్​
• ట్రెండింగ్​ విషయాలకు, వార్తలను, మార్కెట్​ కబుర్లను చూపించేందుకు ఇన్​ఫర్​​మేటివ్​ కార్డు
• వ్యక్తిగత ఉపయోగానికి పిన్​కోడ్​, వేలిముద్రల సదుపాయం