ETV Bharat / science-and-technology
అంతర్గత భద్రతా కారణాలతో దేశంలో నిషేధాన్ని ఎదుర్కొంటున్న పబ్జీ మొబైల్ గేమ్ కీలక ప్రకటన చేసింది. శుక్రవారం (అక్టోబర్ 30) నుంచి దేశంలో పబ్జీ సర్వర్లు నిలిపేస్తున్నట్లు తెలిపింది. ఈ సర్వర్లను చైనా కంపెనీ అయిన టెన్సెంట్ గేమ్స్ నిర్వహిస్తోంది.
పబ్జీ గేమ్ను బ్యాన్ చేస్తూ సెప్టెంబర్ 2న ప్రభుత్వం ఆదేశాలు జారీ చేయగా.. దాదాపు రెండు నెలల తర్వాత ఈ పరిణామం చోటుచేసుకుంటోంది.
సర్వర్లు నిలిపేస్తే ఏమౌతుంది?
ప్రభుత్వం బ్యాన్ చేశాక.. ప్లేస్టోర్, యాప్ స్టోర్లు తమ ప్లాట్ఫాం నుంచి పబ్జీని తొలగించాయి. దీనితో కొత్తగా పబ్జీ మొబైల్ గేమ్ను యూజర్లు డౌన్లోడ్ చేసుకునేందుకు వీలు లేకుండా పోయింది. కానీ.. అప్పటికే డౌన్లోడ్ చేసుకున్న వారు మాత్రం గేమ్ ఆడేందుకు అవకాశం ఉండేది.
పబ్జీ తాజాగా తీసుకున్న సర్వర్ల నిలిపివేత నిర్ణయంతో.. ఇప్పటికే డౌన్లోడ్ చేసుకున్న యూజర్లు కూడా గేమ్ను ఆడేందుకు వీలు లేదు.
ఇదీ చూడండి:118 చైనా యాప్లపై మరింత సమాచారం ఇక్కడ చూడండి