భారత్లో నిషేధం ఎదుర్కొని సరికొత్త పేరుతో మళ్లీ మార్కెట్లోకి ప్రవేశించిన పబ్జీ గేమ్.. యూజర్లకు అందుబాటులోకి వచ్చింది. 'బ్యాటిల్గ్రౌండ్స్ మొబైల్ ఇండియా' పేరుతో వచ్చిన ఈ గేమ్ బీటా వెర్షన్ మోడ్.. యాప్ స్టోర్లో దర్శనమిచ్చింది. జూన్ 18న బీటా వర్షన్ రిలీజ్ అవుతుందని వార్తలు వచ్చినప్పటికీ.. ఒకరోజు ముందుగానే ఇది విడుదలైంది.
బీటా టెస్టర్లకు మాత్రమే ఈ గేమ్ ఇన్స్టాల్ చేసుకొని ఆడేందుకు వీలుంటుంది. కాబట్టి కొద్ది మందికి మాత్రమే ఇది అందుబాటులో ఉన్నట్లు లెక్క. అయితే, కొద్దిరోజుల్లో మరిన్ని బీటా టెస్టింగ్ స్లాట్లను అందుబాటులోకి తీసుకురానున్నట్లు కంపెనీ తెలిపింది.