మన నిత్య జీవితంలో చాలా సమయాన్ని స్మార్ట్ఫోన్తోనే గడుపుతుంటాం. మరి ఫోన్లకు ఛార్జింగ్ అనేది చాలా ముఖ్యం. అయితే ఫోన్కు ఛార్జింగ్ పెట్టేటప్పుడు ఎటువంటి జాగ్రత్తలు తీసుకుంటున్నాం అనేది ముఖ్యం. ఎందుకంటే మనం కొన్న ఫోన్ ఎక్కువ కాలం పనిచేయాలంటే సరైన రీతిలో ఛార్జింగ్ పెట్టడం చాలా ముఖ్యం. మరి ఛార్జింగ్ పెట్టేటప్పుడు కొన్ని తప్పులు చేస్తుంటాం. అవేంటో ఓ సారి తెలుసుకుందాం.
తక్కువ క్వాలిటి వాల్ప్లగ్లతో ప్రమాదమే
ఛార్జింగ్ పెట్టడానికి క్వాలిటీలెస్ వాల్ప్లగ్లను వాడకూడదు. నాణ్యమైనవి వాడడమే మేలు. ఈ కామర్స్ సంస్థల్లో, ఇంకెక్కడ అయినా తక్కువ ధరలో వస్తున్నాయని క్వాలిటీ లేని ఛార్జర్లు కొనుగోలు చేస్తే అవి ఫోన్లను డ్యామేజ్ చేస్తాయి. అధిక నాణ్యత గల ఛార్జర్లను వాడాలి. ఇవి మీ ఫోన్ను ఓవర్‌చార్జింగ్ అయినప్పుడు పవర్ సప్లైను నిలిపివేయడమే కాకుండా ఫోన్ వేడెక్కకుండా ఉంచుతాయి. కాబట్టి ఛార్జర్‌ను కొనుగోలు చేసేటప్పుడు నాణ్యత అనేది చాలా ముఖ్యమైన విషయం.
ఛార్జింగ్ సమయంలో తీసుకోవాల్సిన జాగ్రత్తలు కంపెనీ ఛార్జర్లకే అధిక ప్రాధాన్యత
మనం ఫోన్ కొనుగోలు చేసినప్పుడు ఇచ్చిన ఛార్జర్లను వాడటమే మంచిది. వేరే ఛార్జర్లను ఉపయోగించకపోవడమే ఉత్తమం. కంపెనీ స్పెసిఫికేషన్లు ఉన్న ఛార్జర్లను వాడాలి. వేరే ఛార్జర్లను వాడితే ఫోన్ పనితీరు దెబ్బతింటుంది.
ఫోన్ పౌచ్ను ప్రమాదకరమే..
మనం ఫోన్ కింద పడినప్పుడు పగిలిపోకుండా ఉండటం కోసం రక్షణగా పౌచ్లను ఉపయోగిస్తుంటాం. కానీ అవి కూడా మన ఫోన్ మీద ఎంతో ప్రభావం చూపుతాయి. ఛార్జింగ్ పెట్టినప్పుడు పౌచ్ను అలాగే ఉంచితే ఫోన్ వేడెక్కే అవకాశాలు ఎక్కువగా ఉంటాయి. ఫోన్ ఎక్కువగా వేడెక్కుతుందని అనిపించినప్పుడు పౌచ్ను తీసేయడం ఉత్తమం.
ఛార్జింగ్ సమయంలో తీసుకోవాల్సిన జాగ్రత్తలు ఛార్జింగ్ పెట్టి ఫోన్ ఉపయోగించవద్దు..
ఛార్జింగ్ పెట్టి ఫోన్ను ఉపయోగించడం అనేది అత్యంత ప్రమాదకరం. ఛార్జింగ్ పెట్టి ఫోన్ను వాడితే మొబైల్ వేడెక్కుతుంది. ఈ ఒత్తిడి ఫోన్ బ్యాటరీ, స్క్రీన్, ప్రాసెసర్ మీద పడుతుంది. అప్పుడు ఫోన్ స్లో అవ్వడం, వేడెక్కడం లాంటి సమస్యలు తలెత్తుతాయి. ఫోన్లో ఛార్జింగ్ మొత్తం పూర్తయ్యేవరకు వాడకపోవడం మంచిది. కొన్నిసార్లు ఛార్జింగ్ పెట్టి ఫోన్ వాడటం వల్ల అవి పేలిపోయే అవకాశాలు సైతం ఉన్నాయి. ఎందుకంటే ఫోన్కు పవర్ సప్లై అనేది రెండు దిశలలో జరుగుతుంది. దీని వల్ల ఎక్కువ ఒత్తిడి జరిగి పేలిపోయే ప్రమాదాలున్నాయి.
బ్యాటరీతో నడిచే పోర్టబుల్ ఛార్జర్‌లతో జాగ్రత్తలు అవసరం
పోర్టబుల్ ఛార్జర్లు చాలా సౌకర్యవంతంగా ఉంటాయి. నాణ్యమైన దానిని ఉపయోగించకుంటే అవి కూడా ఫోన్కు హాని కలిగిస్తాయి. మంచి బ్రాండ్‌లు, భద్రత ఉన్న ఛార్జర్లనే ఉపయోగించాలి. ప్లగ్-ఇన్ ఛార్జర్‌ల లాగానే యాపిల్ ప్రోడక్ట్స్ కాకుండా వేరేవి ఉపయోగించాలనుకుంటే యాపిల్ ఎఎఫ్ఐ ధృవీకరణ ఉందో లేదో చూసుకొని తీసుకోవాలి. ఆండ్రాయిడ్ ఫోన్లకు ఉపయోగించే సీ-పిన్ ఛార్జర్లను యూఎస్బీ-ఐఎఫ్ ధృవీకరించిందో లేదో చూసుకోవాలి.
ఛార్జింగ్ సమయంలో తీసుకోవాల్సిన జాగ్రత్తలు ఫోన్లో యాప్లది కూడా ప్రధాన పాత్రే
మన ఫోన్లో ఎక్కువ స్పేస్ను ఆక్రమించే యాప్లుంటాయి. ఇవి ఎక్కువ స్పేస్ తీసుకోవడమే కాకుండా బ్యాటరీని కూడా అధికంగా ఉపయోగిస్తుంటాయి. దీనివల్ల ఛార్జింగ్ తొందరగా దిగి పోవడం లాంటి సమస్యలు ఎదురవుతుంటాయి. అందుకే ఎక్కువ బ్యాటరీ ఉపయోగించే యాప్లను వాడకపోవడమే మంచిది. వాటి స్థానంలో లైట్ వర్షన్ యాప్లను ఉపయోగించడం చాలా మంచిది. స్పైవేర్, యాడ్‌వేర్, మాల్వేర్ లాంటి సమస్యలు మనకు తెలియకుండానే వస్తుంటాయి. అవి ఫోన్కు సోకాయో లేదో చూసుకోవాలి. ఎలాంటి వైరస్లు ఫోన్కు వ్యాపించకుండా తగిన జాగ్రత్తలు తీసుకోవాలి.
