Planet parade 2022 India: అంతరిక్షంలో అద్భుత ఘట్టం ఆవిష్కృతమైంది. దాదాపు 1000 ఏళ్ల తర్వాత ఖగోళంలో ఒకే రేఖపై నాలుగు గ్రహాలు దర్శనమిచ్చాయి. శుక్రుడు, అంగారకుడు, బృహస్పతితో పాటు శని గ్రహాలు ఒకే రేఖపై కనువిందు చేశాయి. ఆకాశంలో తూర్పున సూర్యోదయానికి ముందు ఈ గ్రహాలు ఒకే రేఖపైన దర్శనమిచ్చినట్లు భువనేశ్వర్లోని పఠాని సమంత ప్లానిటోరియం డిప్యూటీ డైరెక్టర్ సువేందు పట్నాయక్ తెలిపారు.
"2022, ఏప్రిల్ 26, 27 తేదీల్లో ఈ అరుదైన గ్రహాల కూర్పు కనిపించింది. దీనిని ప్లానెట్ పరేడ్గా చెబుతారు. అయితే, దీనికి శాస్త్రీయంగా ఎలాంటి నిర్వచనం లేదు. సౌర వ్యవస్థలో ఒకే ప్రాంతంలో ఒకే వరుసలోకి గ్రహాలు వచ్చే దానిని ప్లానెట్ పరేడ్గా విస్తృతంగా ఉపయోగిస్తారు. "
- సువేందు పట్నాయక్, ప్లానిటోరియం డిప్యూటీ డైరెక్టర్.
- అంతరిక్షంలో సాధారణంగా మూడు ప్లానెట్ పరేడ్లు కనిపిస్తాయని తెలిపారు సువేందు పట్నాయక్. అందులో మొదటిది.. సూర్యుడికి ఒకవైపునకు గ్రహాలు ఒకే వరుసలో కనిపిస్తాయి. మూడు గ్రహాలు సూర్యుడికి ఒకవైపునకు కనిపించటం సర్వసాధారణం. ఒక ఏడాదిలో చాలా సార్లు ఇలా కనిపిస్తుంది. అలాగే.. ఏడాదిలో ఒకసారి నాలుగు గ్రహాలు ఒకే వరుసలోకి వస్తాయి. ప్రతి 19 ఏళ్లకోసారి ఐదు గ్రహాలు, 170 ఏళ్లకోసారి 8 గ్రహాలు ఒకే వరుసలోకి వస్తాయి.
- రెండోది.. గ్రహాలు అవి కనిపించే పరిస్థితులతో సంబంధం లేకుండా ఒకే టైమ్లో ఆకాశంలో ఒక చిన్న ప్రాంతంలో కనిపిస్తాయి. దానిని సైతం ప్లానెట్ పరేడ్గానే పిలుస్తారు. ఇంతకు ముందు 2002, ఏప్రిల్ 18న, 2020, జులైలో ఇలాంటి ప్లానెట్ పరేడ్ కనిపించింది.
- మూడోది.. కొన్ని గ్రహాలకు అనుకూలమైన పరిస్థితులు ఉన్న అరుదైన సందర్భాల్లో ఈ మూడో రకం ప్లానెట్ పరేడ్ ఏర్పడుతుంది. మూడు గ్రహాలు ఒకే వరుసలోకి రావటం ఒక ఏడాదిలో చాలా సందర్భాల్లో కనిపిస్తుంది.