నిత్యం చేసే వ్యాయామం, శారీర‌క శ్ర‌మ గురించి ఎప్పటికప్పుడు తెలుసుకునేందుకు అనేక రకాల పెడోమీట‌ర్ అప్లికేష‌న్లు (స్టెప్ కౌంటర్ యాప్స్) అందుబాటులో ఉన్నాయి. మ‌న ఫోన్ లోని జీపీఎస్, యాక్స‌ెల‌రోమీట‌ర్ల‌ను ఉప‌యోగించి అవి మ‌న క‌ద‌లిక‌ల్ని అర్థం చేసుకుంటూ ప‌ని చేస్తాయి. రోజంతా ఎంత దూరం న‌డిచాం, ఎన్ని అడుగులు వేశాం, త‌ద్వారా ఎన్ని క్యాల‌రీలు ఖ‌ర్చ‌య్యాయి అనే విష‌యాలు అంచనా వేసి ఆ వివ‌రాలు మ‌న‌కు తెలియ‌జేస్తాయి.
ఈ యాప్లను గూగుల్ ప్లేస్టోర్ నుంచి ఉచితంగానే డౌన్ లోడ్ చేసుకోవ‌చ్చు. కానీ కొన్ని అద‌న‌పు ఫీచ‌ర్లు కావాలంటే మాత్రం డబ్బులు చెల్లించాల్సిందే. ఏదేమైన‌ప్ప‌టికీ వీటిని వాడ‌టం వ‌ల్ల సానుకూలతలతో పాటు కొన్ని ప్ర‌తికూల‌త‌లూ ఉన్నాయి. మ‌రి ఆ లాభ న‌ష్టాలేంటో మీరూ తెలుసుకోండి.