ఒప్పో రెనో6 జెడ్ ఫీచర్స్ లీక్​!​

ప్రముఖ స్మార్ట్​ఫోన్ల తయారీ సంస్థ ఒప్పో నుంచి త్వరలో మరో కొత్త మొబైల్​ విడుదల కానుంది. రెనో 6 జెడ్​ పేరిట ఈ కొత్త మొబైల్​ను మార్కెట్​లో విడుదల చేసేందుకు సన్నాహాలు చేస్తోంది ఒప్పో. విడుదలకు ముందే ఈ ఫోన్​కు సంబంధించిన పలు ఫీచర్స్ నెట్టింట్లో లీకయ్యాయి. ఆ వివరాలు ఇలా ఉన్నాయి.

రెనో సిరీస్​లో.. రెనో6 జెడ్​ అనే కొత్త మొబైల్​ను త్వరలో మార్కెట్​లోకి విడుదల చేయనుంది ఒప్పో. ఏప్రిల్​లో విడుదలైన రెనో5 జెడ్ మోడల్​కు ఇది కొనసాగింపు. తొలుత అంతర్జాతీయ మార్కెట్లోకి ఈ మోడల్ అందుబాటులోకి రానున్నట్లు తెలుస్తోంది. అయితే విడుదలకు ముందే ఈ ఫోన్​ ఫీచర్స్ లీకయ్యాయి.

లీకైన రెనో6 జెడ్ ఫీచర్స్..

• 60హెచ్​జెడ్ రీఫ్రెష్​ రేట్​ డిస్​ప్లే
• మీడియాటెక్ డైమెన్సిటి 800యూ ప్రాసెసర్​​
• 30 వాట్స్​ ఫాస్ట్ ఛార్జింగ్ సపోర్ట్​

ఈ మొబైల్ భారత్​లో ఎప్పుడు విడుదలవనుంది? ధర ఎంత ఉండొచ్చు అనే వివరాలు తెలియాలంటే.. ఒప్పో నుంచి అధికారిక ప్రకటన వెలువడే వరకు వేచి చూడాల్సిందే.

ఇదీ చదవండి :ఒప్పో రెనో 5ఏ.. ప్రత్యేకతలివే!