జనవరి 1 నుంచి కొత్త సిమ్​ కార్డ్ జారీకి నయా రూల్స్- మనకు డబ్బు ఆదా!

New SIM Card Rules From December 1st 2024 In Telugu : కొత్త ఏడాది నుంచి ఫిజికల్ సిమ్ కార్డ్ వెరిఫికేషన్ ప్రాసెస్​ నిలిపివేస్తున్నట్లు టెలికమ్యునికేషన్ డిపార్ట్​మెంట్​ (DoT) ప్రకటించింది. అంటే కొత్త ఏడాది నుంచి కొత్త సిమ్ కార్డు తీసుకుంటే.. దరఖాస్తు ఫారం, ఫొటో, ఐడెంటిటీ కార్డు, నివాస ధ్రువీకరణ పత్రాలు సమర్పించాల్సిన అవసరం ఉండదన్నమాట.

New SIM Card Rules From December 1st 2024 : కేంద్ర ప్రభుత్వం కొత్త ఏడాది నుంచి సిమ్​ కార్డు ధ్రువీకరణ విధానంలో కీలక మార్పులు చేస్తున్నట్లు ప్రకటించింది. ప్రస్తుతం కొత్త సిమ్ కార్డు తీసుకోవాలంటే.. అవసరమైన పత్రాలను భౌతికంగా ఇవ్వాల్సిందే. కానీ 2024 జనవరి 1 నుంచి ఇలా చేయాల్సిన పని లేదు. అంటే కొత్త ఏడాది నుంచి సిమ్​ కార్డు ధ్రువీకరణ కోసం ఫిజికల్ డాక్యుమెంట్స్ ఏవీ సమర్పించాల్సిన అవసరం ఉండదు.

ఆ నిబంధనకు చెల్లుచీటు
కేంద్ర ప్రభుత్వం 2012 ఆగస్టు నుంచి.. ఎవరైనా సిమ్​ కార్డ్​ తీసుకుంటే, కచ్చితంగా భౌతిక ధ్రువపత్రాలు సమర్పించి, ధ్రువీకరించుకోవాలని నిబంధన విధించింది. ఇటీవలే ఆ నిబంధనను ఉపసంహరించుకుంటున్నట్లు ప్రకటించింది.

ఈ-కేవైసీ చాలు
E KYC For SIM Card Verification :ఇకపై కొత్త సిమ్ కార్డు తీసుకునేటప్పుడు ఈ-కేవైసీ చేసుకుంటే సరిపోతుంది. కేంద్రం ఈ బాధ్యతలను యూనిఫైడ్ యాక్సెస్ సర్వీసెస్​ (UAS), యూనిఫైడ్​ లైసెన్స్ (UL) హోల్డర్లకు అందించింది. దీని ద్వారా సిమ్​ కార్డ్ మోసాలు చాలా వరకు నివారించవచ్చని కేంద్రం భావిస్తోంది.

శ్రమ, ఖర్చు రెండూ తగ్గుతాయి​!
SIM Card eKYC Benefits : ఈ-కేవైసీతో కొత్త సిమ్​ కార్డు తీసుకోవడం వల్ల.. వినియోగదారులకు శ్రమ, డబ్బులు రెండూ ఆదా అవుతాయి. ఎలా అంటే.. ప్రస్తుతానికి కొత్త సిమ్ కావాలంటే.. కచ్చితంగా దరఖాస్తు ఫారమ్ నింపాల్సి ఉంది. అలాగే పాస్​పోర్ట్ సైజు ఫొటో, ఐడెంటిటీ కార్డు, నివాస ధ్రువీకరణ పత్రాల జిరాక్స్​లను అందించాల్సి ఉంటుంది. కానీ 2024 జనవరి 1 నుంచి ఈ అవసరం ఉండదు. కనుక యూజర్లకు శ్రమ, ఖర్చు రెండూ తగ్గనున్నాయి.

ఆగస్టులోనే మార్పు చేశారు!
భారత ప్రభుత్వం ఈ ఆగస్టులోనే సిమ్​ కార్డుల జారీ విషయంలో పలు నిబంధనలను మార్చింది. వాటిని ఇటీవలే అమల్లోకి కూడా తెచ్చింది. దీనిని అనుసరించి, ఇకపై సాధారణ వ్యక్తులకు పెద్ద సంఖ్యలో సిమ్ కార్డులు విక్రయించడంపై నిషేధం విధించారు. అలాగే సిమ్​ కార్డులు విక్రయించేటప్పుడు కేవైసీ (నో యువర్ కస్టమర్​) చేయడం తప్పనిసరి చేశారు. ఈ బాధ్యత పూర్తిగా టెలికాం ఆపరేటర్లు, ఫ్రాంచైజీలు, పీఓఎస్​ ఏజెంట్లు, పంపిణీదారులకే అప్పగించారు. దీని వల్ల సిమ్​ కార్డ్​ మోసాలు నివారించవచ్చని ప్రభుత్వం ఆశిస్తోంది.

డిజిటల్ ఇండియా
భారతదేశంలో డిజిటల్ ఇండియా కాన్సెప్ట్ ప్రారంభమైనప్పటి నుంచి చాలా మార్పులు జరుగుతున్నాయి. కీలక రంగాలు అన్నీ డిజిటలైజ్ అవుతున్నాయి. అందులో భాగంగా నేడు సిమ్​ కార్డు వెరిఫికేషన్ కూడా డిజిటలైజ్​ చేస్తున్నారు.