Twitter Ad Revenue Sharing : ట్విట్టర్​ యూజర్లకు మస్క్​ బంపర్​ ఆఫర్​.. బ్లూ టిక్​తో వేలాది డాలర్ల సంపాదన!​

Twitter Ad Revenue Sharing : అపర కుబేరుడు ఎలాన్​ మస్క్​.. ట్విట్టర్​ యూజర్లకు అదిరిపోయే న్యూస్​​ చెప్పారు. ఇకపై ట్విట్టర్​ అకౌంట్​ వెరిఫికేషన్​ పూర్తి చేసిన సబ్​స్కైబర్లకు యాడ్​ రెవెన్యూ అందిస్తామని స్పష్టం చేశారు. దీని ద్వారా యూజర్లు నెలవారీగా వేలాది డాలర్లు సంపాదించవచ్చని పేర్కొన్నారు. పూర్తి వివరాలు చూద్దాం రండి.

Twitter Ad Revenue Sharing : ట్విట్టర్​ యూజర్లకు ఎలాన్​ మస్క్​ బంపర్​ బొనాంజా ప్రకటించారు. యూజర్లు తమ ట్విట్టర్​ అకౌంట్లు వెరిఫికేషన్​ చేసుకొని, వేలాది డాలర్లు సంపాదించుకోవచ్చని మస్క్​ ప్రకటించారు. ప్రకటనల ద్వారా వచ్చే రెవెన్యూలో వెరిఫైడ్​ సబ్​స్క్రైబర్లకు కూడా కొంత మేరకు అందిస్తామని మస్క్​ స్పష్టం చేశారు.

కండిషన్స్​ అప్లై అవుతాయ్​?
Twitter verification requirements : వాస్తవానికి ఒక యూజర్​ ట్విట్టర్​ అకౌంట్​కు 10,000 ఫాలోవర్స్​ ఉండి, నెలకు 5 మిలియన్ల ఇంప్రెషన్స్​ ఉంటేనే ట్విట్టర్ వెరిఫికేషన్​ పూర్తి అవుతుంది. కానీ ఈ విషయంలో ఎలాంటి క్లారిటీ ఇవ్వకుండానే మస్క్​ యూజర్లు అందరూ ట్విట్టర్​ బ్లూ పెయిడ్​ సబ్​స్క్రిప్షన్ తీసుకోవాలని సూచించారు.

"ట్విట్టర్​ వేదికగా వెరిఫైడ్​ సబ్​స్క్రైబర్స్​ యాడ్​ రెవెన్యూలో భాగస్వామ్యం పొందవచ్చు. ఈ విధంగా నెలవారీగా వేలాది డాలర్లు సంపాదించవచ్చు.​ "
- ఎలాన్​ మస్క్, ట్విట్టర్ అధినేత

నెలకు 7 డాలర్లు మాత్రమే!
Twitter blue tick price : ట్విట్టర్​ యూజర్లు తమ అకౌంట్​కు బ్లూ టిక్​ పొందాలంటే, నెలకు 7 డాలర్లు చొప్పున​ చెల్లించాల్సి ఉంటుంది. కానీ ఇది యాన్యువల్​ ప్లాన్​ తీసుకున్నవారికి మాత్రమే వర్తిస్తుంది.

ఏమీ ఉపయోగం లేదు!
Twitter ads eligibility : కొంత మంది ట్విట్టర్ యూజర్లు మస్క్​పై అసహనం వ్యక్తం చేస్తున్నారు. తమకు వేలాది ఫాలోవర్లు ఉన్నప్పటికీ, మిలియన్ల కొద్దీ ఇంప్రెషన్స్​ వస్తున్నప్పటికీ తమకు ఎలాంటి రెవెన్యూ జనరేట్​ కావడం లేదని వారు ఆరోపిస్తున్నారు.

ఫిబ్రవరి నుంచి యాడ్​ రెవెన్యూ!
Twitter ad revenue for creators : ట్విట్టర్ యూజర్ల ఆరోపణలపై మస్క్​ స్పందించారు. ఇంటర్నేషనల్​ పేమెంట్స్ కొంచెం సంక్లిష్టమైనవని, అయితే ఫిబ్రవరి నుంచి యాడ్ రెవెన్యూ షేరింగ్ ఉంటుందని ఆయన స్పష్టం చేశారు.

వెరిఫైడ్​ యూజర్​ ప్రొఫైల్ పేజీని ఇతరులు వీక్షించినప్పుడు కనిపించే ప్రకటనలకు.. త్వరలో యాడ్ రెవెన్యూ చెల్లిస్తామని మస్క్ పేర్కొన్నారు. ఈ రెవెన్యూ పేమెంట్స్​ కూడా దాదాపు రెట్టింపు చేసి ఇస్తామని ఆయన స్పష్టం చేశారు.

నష్టాల్లో ఉన్నాం.. కానీ!
Twitter losses 2023 : ఎలాన్ మస్క్​ ప్రస్తుతం ట్విట్టర్ అప్పుల ఊబిలో ఉందని పేర్కొన్నారు. అలాగే యాడ్ రెవెన్యూ కూడా దాదాపు 50 శాతం తక్కువగా వస్తోందని చెబుతున్నారు. అయినప్పటికీ వెరిఫైడ్ యూజర్లకు యాడ్ రెవెన్యూ షేర్​ చేస్తామని ప్రకటించారు. తాము ట్విట్టర్​ క్యాష్ ఫ్లోను మరింత వృద్ధి చేసుకోవాల్సిన అవసరం ఉందని ఆయన అభిప్రాయపడ్డారు.

• ఇవీ చదవండి :